Մեր երկրում քաղբանտարկյալներ չկան.նախարար

Այսօր ՀՀ արդարադատության նախարար Դավիթ Հարությունյանն ամփոփում էր 2017 թվականի աշխատանքները:  6 գերակա խնդիր եւ 11 միջոցառում.դրանց  կատարման գնահատականը կազմել է 92 տոկոսից ավելի,տեղեկացրեց նախարարը: «Այս ընթացքում մշակվել եւ ընդունվել է վեց սահմանադրական օրենք, իսկ այս պահին ԱԺ-ում է վերջին սահմանադրական օրենքը. դա Հանրաքվեի մասին օրենքն է:Նախարարության համար կարեւոր է եղել ողջամիտ ժամկետում դատական գործերի քննումը, որի շրջանակներում օպտիմալացվել են դատարանները եւ նվազել դատարանների ծանրաբեռնվածությունը »,- ասաց նա: «Օրենքով ստեղծել ենք Երեւան քաղաքի ընդհանուր իրավասության մեկ դատարան: Նպատակը եղել է դատավորների ծանրաբեռնվածությունը հավասարապես բաշխել եւ այն հավասարեցնելով մենք կարծում ենք, որ լուծել ենք շատ կարեւոր խնդիր: Մասնագիտացման առումով 2019 թվականին ստեղծելու ենք սնանկության դատարանը, իսկ մինչ այդ քայլեր ենք ձեռնարկում, որ համապատասխան դատավորների խումբ ստեղծվի»,- ասաց նախարարը: Լրագրողներից մեկը նախարար  Հարությունյանից հետաքրքրվեց, թե որպես արդարադատության նախարար ի՞նչ է կարծում, Հայաստանում քաղբանտարկյալներ մասին,կան արդյո՞ք մեր երկում քաղբանտարկյալներ :Նախարարը տվեց նման պատասխան.«Ես այս հարցին բազմիցս եմ անդրադարձել: Այսօր կարճ կպատասխանեմ՝ ոչ, կարծում եմ, քաղբանտարկյալներ չկան»: