«Ոչ բարեկիրթ ու մեր մշակույթին անհարիր».Դավիթ Հարությունյանը՝Երևանի ավագանիում տեղի ունեցածի մասին

Արդարադատության նախարար Դավիթ Հարությունյանը   լրագրողների հետ հանդիպմանն անդրադարձավ  Երևանի ավագանիում օրերս տեղի ունեցած միջադեպին և կատարվածը համարել «ոչ բարեկիրթ ու մեր մշակույթին անհարիր»։ «Երևանի ավագանիում ոչ բարեկիրթ ու մեր մշակույթին անհարիր գործողություններ, ցավոք սրտի, տեղի են ունեցել երկու կողմից», -հայտարարեց Հարությունյանը՝ դատապարտելով կատարվածը։ «Նուբարաշեն» քրեակատարողականի  խնդրի մասին խոսելիս էլ  նշեց, որ հողե սողանքի հետեւանքով կոյուղատար համակարգը վնասվել է: «Խնդրի լուծումը իրականում շատ պարզ չէ, այն լուծումը, որ հիմա է տրվում, ժամանակավոր է: Անցած տարվանից մենք ձեռնամուխ ենք եղել այդ աշխատանքների նախագծեր կազմելուն: Այս տարի պատրաստվում էինք իրականացնել գնում: Ինչ նշանակում է՝ պատասխանատու՞ է պետական մարմինը տիրող իրավիճակի համար, բնականաբար՝ այո, մենք պատասխանատու ենք յուրաքանչյուր թերության համար: Այստեղ որեւէ գաղտնիք չկա եւ երբեք չենք խորշել պատասխանատվությունից: Մենք պատասխանատու ենք, որ այնտեղ շենքային պայմանները լավը չեն, առողջապահական խնդիրներ կան: Բնակիչների խնդիրը կլուծվի, բայց դա չի նշանակում, որ խնդիրն ամբողջապես կլուծվի»,- ասաց նա: