«Պատմության մեջ նման բան չկա. քրեական գործով անցնող Մովսես Հակոբյանը գեներալ-լեյտենանտից դարձավ գեներալ-պալկովնիկ». Գուրգեն Եղիազարյան (video)
«Ապահով Հայաստանի մասին հեքիաթները մի փուչ օդապարիկ էր, որը մենք հասկացանք ապրիլյան պատերազմին»,- այսօր Հայելի ակումբում ասաց Գուրգեն Եղիազարյանը: Գուրգեն Եղիազարյանը նշեց, որ Ալիևի հայտարարությունների սաստկանալը կապված է մեր արտգործնախարարի երեք շրջան հանձնելու հայտարարության հետ. «Երբ Ալիևը իմացավ, որ երեք շրջան իրենց ենք հանձնելու, արդեն երեքին չի համաձայնվում, փոխվում է նրա հռետորաբանությունը, ցանկություններն ավելանում են»: Բանախոսը վստահ է, որ մադրիդյան սկզբունքների ուխտը չոքել է հայ ազգի դռանը, ըստ որի իշխանության ներկայացուցիչները, պաշտպանելով այդ սկզբունքները, իրենց կյանքը երկարացնում են Հայաստանում. «Վաղը Եվրոպայում, եթե հարցնեն ո՞նց, եք, կասեն հայտարարեցինք, երեք շրջան տալիս ենք: Նրանք էլ կասեն. ո՛չ, երեք շրջան չես տալու, արդեն կատաղել ա, Զանգեզուրն ես տալու, հիմա էլ անցել են Նախիջանին» : Իր խոսքի վերջում Գուրգեն Եղիազարյանը հարց բարձրացրեց՝ ինչու՞ համարժեք չենք պատասխանում թուրքերին: Մանրամասները՝ տեսանյութում.
Հետևեք մեզ Viber-ում
