Համբալ, արա և նմանատիպ խոսքերը Առաքել Մովսիսյանի համար կուլտուրական են. ինչ է հայտնում հեռախոսազրույցից
Ես չեմ սպառնացել: ArmLur.am-ի հետ զրույցում այսպես արձագանքեց ԱԺ ՀՀԿ խմբակցության նախկին պատգամավոր Առաքել Մովսիսյանը՝ անդրադառնալով Ալեն Սիմոնյանի հայտարարությանը, թե նա զանգահարել և սպառնացել է իրեն: «Ես չեմ սպառնացել, մի անգամից էդ եք ասում, տենց բան չի եղել»,- նշեց նա: Դիտարկմանը, այդ դեպքում՝ ինչ է ասել, պատասխանեց. «Դա էլ իրանից հարցրեք: Չեմ սպառնացել, արդեն մնացածը դուք իմացել, զանգել, կուլտուրական խոսել եմ»: Հիշեցնենք, որ Ալեն Սիմոնյանը պատմել է հեռախոսազրույցն այսպես. «Ասաց՝ Շմայսն ա… առաջին իսկ բառից պարզ էր, որ ինչ-որ շատ վատ տրամադրված մարդ է զանգել: Ես չգիտեի՝ ով է, իր համարը չունեմ: Զանգեց՝ բա, արա Ալե՛ն, դու ես, ասացի՝ արան դու ես, ո՞վ ա, ո՞ւմ հետ եմ խոսում: Մարդ ես՝ միգուցե ինչ-որ հին ընկեր լիներ, որ հարյուր տարի չեմ խոսել, որոշել էր տենց տխմար կատակ անել: Բա լսի, ա՛յ համբալ, ի՞նչ գործ ունես իմ հետ, ես էլ ասացի՝ համբալը դու ես, ինչու՞ ես ինձ զանգել: Ասաց՝ դու ինձ ճանաչո՞ւմ ես, ասացի՝ չէ, բայց կարող եմ ճանաչել, եթե դրա կարիքը կա: Բա՝ իմ մասին ինչի՞ ես խոսում, ասացի՝ հանրային մարդ ես, ես հանրային մարդ եմ, պետք է խոսեմ: Մեկ էլ սենց արեց՝ բա սրանից հետո… ես ընդհատեցի՝ դու ինձ չզանգես. այդտեղ սկսեց հայհոյանքներ հնչեցնել: Համարժեք պատասխանը ստացավ»:
Հետևեք մեզ Viber-ում
