Ավագանիում մի քանի ախոռագոմ կա, որոնք ՀՀԿ-ի ներկայացուցիչներինն են. Փաշինյան
ԱԺ «Ելք» խմբակցության ղեկավար Նիկոլ Փաշինյանը նշեց, թե Ավագանիում միջադեպի կապակցությամբ ԱԺ փոխնախագահ Էդուարդ Շարմազանովը հայտարարել է, թե Երևանի քաղաքապետարանը ախոռագոմ չէ: «Պարո՛ն Շարմազանով, թույլ տվեք ձեր այդ ձևակերպման հետ չհամաձայնել, քանի որ միջադեպը ցույց տվեց, որ քաղաքապետարանում առնվազն մի քանի ախոռագոմ կա, և զարմանալի զուգադիպությամբ այդ բոլոր ախոռագոմերը զբաղեցնում են ՀՀԿ ներկայացուցիչները»,-ասաց նա: Փաշինայնի այս հայտարարությունից հետո դահլիճում աղմուկ բարձրացավ, սակայն Փաշինյանը խոսքը չընդհատեց և շարունակեց. «Իսկ այն, որ ՀՀԿ խորհրդի անդամ Առաքել Մովսիսյանը զանգում է և չի ներկայանում որպես Առաքել Մովսիսյան, այլ ասում է՝ «Շմայսն ա զանգում», դա ստիպում է մտածել, որ նմանատիպ ախոռագոմեր փնտրելու կարիք կա մասնավորապես նաև ՀՀԿ կենտրոնական գրասենյակում՝ Մելիք Ադամյան 2 փողոցում»:
Հետևեք մեզ Viber-ում
