Հայաստանում առնվազն 21,9 տոկոս գնաճ է տեղի ունեցել. Փաշինյանը բացահայտումներ է անում

ԱԺ «Ելք» խմբակցության ղեկավար Նիկոլ Փաշինյանը փորձագետների հետ միասին ուսումնասիրել է և պարզել, որ Հայաստանում 2017-ին գնաճը կազմել է ոչ թե 2.6 տոկոս, ինչպես կառավարությունն է հայտարարում, այլ առնվազն 21.9 տոկոս: Այսօր ԱԺ-ում Հարկային օրենսգրքում փոփոխություններ կատարելու համար հրավիրված արտահերթ նիստում հայտարարեց ԱԺ «Ելք» խմբակցության ղեկավար Նիկոլ Փաշինյանը։ «ՀՀ-ում տեղի է ունեցել գնաճի շղթայական ռեակցիա, տեղի է ունեցել լայն սպառման ապրանքների մի հսկայական գնաճ: Կառավարությունը հրապարակում է 2.6 տոկոս, որը ծիծաղելի թիվ է: Մենք փորձագետների հետ արել ենք թվերի վարժություն, որով հստակ ցույց ենք տալիս, որ Հայաստանի Հանրապետությունում գնաճը կազմել է առնվազն 21.9 տոկոս։ Կառավարությունն ասում է, որը գնաճը կազմել է 2.6 տոկոս, ինչը, ըստ էության ծիծաղելի թիվ է», -ներկայացրեց Փաշինյանը։ Նրա խոսքով, Հայաստանում գնաճի վրա ազդեցություն են ունենում միջազգային շուկայում գների վայրիվերումները, գնաճային սպասումները և, իհարկե, հետընտրական շրջանում կաշառքների վերադարձը. «Երկու ընտրություններ ենք ունեցել՝ Երեւանի ավագանու եւ խորհրդարանական: Հիմա  ընտրակաշառքների հետ հավաքման պրոցես է գնում»: Ինչպես նշեց՝ միջազգային շուկայում  շաքարավազի գինը  մոտ  39,4  տոկոսով էժանացել է, իսկ  ՀՀ –ում՝ 6,2 տոկոս: «Հույս ունեմ, որ պարոն Ալեքսանյանը էլույթ կունենա եւ կփարատի այն կասկածները, որ գործ ունենք ընրակաշառքների հետ հավաքման գործընթացի հետ»,- նկատեց Փաշինյանը: