«Մենք շահագրգիռ ենք պահպանել Ռուսաստանի հետ մեր հարաբերությունները». Շավարշ Քոչարյան
Կառավարության այսօրվա նիստից հետո լրագրողները Արտաքին գործերի փոխնախարար Շավարշ Քոչարյանից հետաքրքրվեցին, թե ԱՄՆ պատժամիջոցների «սև ցուցակն» ի՞նչ ազդեցություն կարող է ունենալ Հայաստանի համար: «Մամուլը մի բան է, այց ցուցակը՝ մեկ այլ բան: Համենայնդեպս, իմ տեղեկություններով, ձեր նշած անձինք չկան այդ ցուցակում: Պետք է կոնկրետ ինֆորմացիա լինի, որի շուրջ խոսենք: Հարցադրումներ են արվում, որոնք իմ գիտելիքներով ու իմ գնահատականով չեն համապատասխանում իրականությանը: Չափազանցվում է այն վտանգը, որը կա, բայց դա չի նշանակում, որ պետք է մենք անուշադրության մատնենք այդ հարցը»,- ասաց նա: Հարցին, թե դա կարո՞ղ է ազդել հայ-ռուսական ռազմատեխնիկական համագործակցության վրա ԱՄՆ-ի պատժամիջոցները, պատասխանեց, որ չպետք է իրավիճակից առաջ ընկնել: «Մենք շահագրգիռ ենք պահպանել Ռուսաստանի հետ մեր հարաբերությունները և փոխգործակցությունն այդ դաշտում, ինչը մեզ համար անվտանգության կարևոր բաղադրիչ է»,- հավելեց նա:
Հետևեք մեզ Viber-ում
