Նեթանյահուին կտանե՞ն դատարան

«Գործ 1000» և «գործ 2000  քննությունների հիման վրա հնարավոր է մեղադրանք առաջադրվի , վարչապետ Բենիամին Նեթանյահուին գրում է Gazeta.ru-ն: Նման խորհուրդ է տալիս Իսրայելի ոստիկանությունը : Հավաքված ապացույցները բավական են Իսրայելի առաջին դեմքին կոռումպացվածության, խարդախության և վստահության չարաշահման մեջ մեղադրելու համար,հայտնել են ոստիկաությունից:  Փորձագետները չեն կարողանում ասել, թե ինչ շարունակություն կունենա վարչապետի շուրջ այս նոր սկանդալը, իսկ ինքը` Նեթանյահուն, համոզված է, որ ոստիկանության հայտարարությունները որևէ արդյունք տալ չեն կարող: «Գործ 1000»-ը վերաբերվում է թանկարժեք նվերներին, որ Նեթանյահուն, ըստ ոստիկանության տվյալների, պարբերաբար ստացել է գործարարներից, իսկ «գործ 2000»-ը վերաբերվում է Իսրայելի վարչապետի փորձերին` պայմանավորվել երկրի խոշորագույն հրատարակչական տներից մեկի` «Եդիոտ-Ախրոնոտ»-ի հետ, որպեսզի դրական լույսի ներքո ներկայացվի կառավարության գործունեությունը: