Մեր գործիքակազմից դուրս է․ ԵԼՔ-ը խստորեն դատապարտում է ԵԾ-ի անդամների նկատմամբ բռնությունը
Երեւանի ավագանու ԵԼՔ խմբակցությունը խստորեն դատապարտում է Երկիր ծիրանի կուսակցության ավագանու անդամների նկատմամբ փետրվարի 13-ին կիրառված բռնությունը: Այս մասին ասված է ավագանու ԵԼՔ խմբակցության հայտարարության մեջ. «Երեւանի ավագանու ս.թ. փետրվարի 13-ի նիստում տեղի ունեցածի վերաբերյալ Երեւանի ավագանու ԵԼՔ խմբակցությունը հայտարարում է, որ թեպետ ԵԾ այն գործողությունը, ինչին հաջորդեց ՀՀԿ կողմից կիրառված բռնությունը, մեր գործիքակազմից դուրս է, Երեւանի ավագանու ԵԼՔ խմբակցությունը խստորեն դատապարտում է ավագանու անդամի նկատմամբ կիրառված բռնությունը եւ իրավապահ մարմիններից պահանջում անհապաղ միջոցներ ձեռնարկել միջադեպի մեղավորներին պատասխանատվության ենթարկելու ուղղությամբ»,- ասված է հայտարարության տեքստում:
Հետևեք մեզ Viber-ում
