Ռուս վարձկանները զոհվել են նավթավերամշակող գործարանի վրա հարձակման ժամանակ

Ռուսական Կոմերսանտը՝ հղում անելով անանուն աղբյուրին հայտնում է,որ փետրվարի 7-ին Սիրիայում ռուս վարձկանները ռմբակոծության են ենթարկվել, երբ հարձակում էին սկսել նավթավերամշակող գործարանի վրա: Սիրիայում ռուսական հրամանատարությունը թույլ չէր տվել իրականացնել այդ գործողությունը և դա գնահատել էր որպես «վտանգավոր ինքնագործունեություն»:Գործողությունն իրականացվել է Սիրիայի նախագահ Բաշար Ասադին աջակվող «խոշոր գործարարների» նախաձեռնությամբ: Գործողությանը մասնակցել է մոտ 600 վարձկան, որոնց մեծամասնությունը ռուսներ էին:Ամերիկյան կոալիցիայի ռմբակոծության հետևանքով այդ օրը բազմաթիվ ռուս վարձկաններ են զոհվել: Առայժմ հայտնի է միայն 5-ի անունը, սակայն ռուսական և ամերիկյան լրատվամիջոցները տարբեր տվյալներ են հայտնում: Կոմերսանտը հայտնում է 11 զոհի, Նովայա գազետան՝ 13, Բլումբերգը՝ ավելի քան 100, Նյու Յորք Թայմզը՝ մոտ 300 զոհի մասին: Ռուսական սոցցանցերում շրջանառվում է մինչև 600 թիվը: