Շոուն չափից դուրս էր. Դավիթ Խաժակյանը՝ «Երկիր ծիրանի»-ի քայլերի մասին

ՀՀԿ խմբակցության անդամները ծեծի ենթարկեցին «Երկիր ծիրանի» խմբակցության անդամ Մարինե Խաչատրյանին, երբ նա սրվակներով կոյուղաջրեր էր բերել և փորձում մոտեցնել քաղաքապետ Տարոն Մարգարյանին, ասելով, որ դա Նուբարաշեն համայնքի բնակիչների նվերն է: Մոտ մեկ ժամ ընդմիջվելուց հետո նիստը շարունակվեց: Քաղաքաղաքապետ Տարոն Մարգրայանը հայտարարեց, որ եթե Երկիր ծիրանի խմբակցության անդամները հաջորդ անգամ էլ փորձեն խաթարել նիստի բնականոն ընթացքը, ապա կհեռացվեն դահլիճից: Ելք խմբակցության ղեկավար Դավիթ Խաժակյանը ձայն խնդրեց եւ Տարոն Մարգարյանի փոխարեն ներողություն խնդրեց մայրաքաղաքի բնակիչներից կատարվածի համար, սակայն ակնարկեց, որ Երկիր ծիրանի խմբակցությունն է միջադեպի պատճառը դարձել: Երևանի ավագանու «Ելք» խմբակցության ղեկավար Դավիթ Խաժակայանը կարծում, է, որ «Երկիր ծիրանիի» այսօրվա արածը չափից ու սահմաններից դուրս էր: «Այս շոուն չափից ու սահմաններից դուրս էր», - ասաց նա: Նա գործընկերներին հորդորեց իր ելույթը չընդունել որպես քննադատություն: «Իմ ելույթը ընդունել ոչ թե քննդատություն, այլ հասկանալ մի պարզ բան, որ հնարավոր է հետևողականորեն, քայլեր անելով օգնել այդ գարշահոտությունը վերացնել: Այն, ինչ եղավ այսօր, դա որևէ բանի չի կարող օգնել: Մենք պետք է միջոցներ ձեռնարկենք, որ նիստերի բնականոն ընթացքը չխաթարվի», - ասաց Դավիթ Խաժակյանը: Նա ընդգծեց, որ գործընկերների քայլն անընդունելի էր: