Հաղորդավարուհի Դինա Ակոպովնան ու ևս երկու հայ ԱՄՆ-ում մեղադրվել են մուտքի արտոնագրերի հետ կապված խարդախության համար:
Ըստ ԱՄՆ Արդարադատության նախարարության հրապարակած մեղադրական եզրակացության՝ մեղադրվող հայերից Ստելլա Բոյաջյանը Նյու Յորքում ստեղծել և ղեկավարել է «Apple Music Awards Foundation» հիմնադրամը: Օգտագործելով այն ու կապերը հայկական և ամերիկյան երաժշտական ինդուստրիայում, մեղադրյալներն օգնել են ՀՀ քաղաքացիներին ապօրինաբար մուտք գործել Միացյալ Նահանգներ:
Նշելով, որ կարող են օգնել մուտք գործել ԱՄՆ, յուրաքանչյուր նման «գործարքի» համար վերջիններս ՀՀ քաղաքացիներից պահանջել են 3 000-ից 15 000 ԱՄՆ դոլար:
Այնուհետև նրանք Հայաստանում ձեռք էին բերում կեղծ վկայագրեր, կազմակերպում ազգային տարազով լուսանկարահանումներ, որպեսզի տպավորություն ստեղծվի, թե մուտքի արտոնագիր ստացողները հայ ազգային մշակույթի ներկայացուցիչներ են:
Հաջորդիվ Բոյաջյանը և մյուս մեղադրվողները սովորեցնում էին ԱՄՆ ներգաղթել ցանկացողներին, թե ինչպես պետք է անցնեն մուտքի արտոնագիր ստանալու համար հարցազրույցը, ինչպես նաև բոլոր թղթերին կցում լուսանկարներն ու արտիստ լինելու վերաբերյալ մյուս կեղծ ապացույցները:
Նշենք, որ նրանց օգնությամբ ԱՄՆ մուտք գործածների մեծ մասը չի լքել երկիրը արտոնագրի ժամկետի ավարտից հետո և շարունակել է Միացյալ Նահանգներում մնալ ապօրինի:
«Խարդախություն կատարող անձիք, ովքեր անտեսում են մեր ներգաղթային քաղաքականությությունը, սպառնում են մեր հասարակության ու ազգային անվտանգությանը», - դեպքի վերաբերյալ ասել է ԱՄՆ դատախազության ներկայացուցիչ Ջոն Քրոնանը:
«Արդարադատության նախարարությունը չի հանդուրժելու մեր ներգաղթային քաղաքականության հետ կապված այնպիսի չարաշահումներ, որոնք կան տվյալ դեպքի մեղադրական եզրակացության մեջ: Մենք արմատախիլ ենք անելու արտոնագրերի հետ կապված խարդախության մեխանիզմներն ու պատասխանատվության ենք ենթարկելու մեղավորներին», - ավելացրել է նա:
Դեպքի վերաբերյալ մանրամասներ է ներկայացրել նաև գործով փաստաբաններից Դոնահյուն:
«Ըստ մեղադրական եզրակացության՝ մեղադրվող խումբը ԱՄՆ մուտք գործել ցանկացող օտարերկրացիներին հագցրել է ավանդական պարային կոստյումներ, տրամադրել կեղծ համերգների վերաբերյալ բուկլետներ, որպեսզի դրանով խաբեն կառավարական ծրագիրը, որը թույլ է տալիս արտասահմանցիներին ժամանակավոր մուտք գործել ԱՄՆ` արտիստական խմբերի կազմում», - ասել է նա:
Նշենք, որ ըստ ԱՄՆ Արդարադատության նախարարության կայքի, Բոյաջյանն ու Աթոյանը ձերբակալված են:
Փետրվարի 20-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Փետրվարի 20-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Փետրվարի 20-ին՝ ժամը 12։30-ին, Հայելի ակումբի հյուրն է Արմինե Ադիբեկյանը
Փետրվարի 20-ին՝ ժամը 13։30-ին, Հայելի ակումբի հյուրն է Հայկ Այվազյանը
Փետրվարի 19-ին՝ ժամը 15։00-ին, Հայելի ակումբի հյուրն է ԱԺ պատգամավոր Արմենուհի Կյուրեղյանը
Փետրվարի 19-ին՝ ժամը 11։00-ին, Հայելի ակումբի հյուրն է բանաստեղծ, քաղաքական գործիչ Խաչիկ Մանուկյանը
Փետրվարի 19-ին՝ ժամը 16։30-ին, Հայելի ակումբի հյուրն է «Համահայկական ճակատ» շարժման անդամ Ռուզան Ստեփանյանը
Փետրվարի 19-ին՝ ժամը 13։00-ին, Հայելի ակումբի հյուրն է հոգեբան Կարինե Նալչաջյանը
Փետրվարի 18-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Փետրվարի 18-ին՝ ժամը 15։00-ին, Հայելի ակումբի հյուրն է Սեյրան Չիլինգարյանը
Հետևեք մեզ Viber-ում
