Երկու դաշնակցականներ.միևնույն հանձնաժողովում տարբեր կարծիքներ

Պետական, հասարակական գործիչ Արամ Մանուկյանի արձանի էսքիզը, որն ընտրվել է Երևանի ավագանու մրցութային հանձնաժողովի կողմից վերջին շրջանում բուռն քննարկումների առիթ դարձավ:  Ճարտարապետների թանգարանի տնօրեն Անուշ Տեր-Մանասյանը ,ով  եղել է հանձնաժողովի կազմում Հայելի ակումբում հրավիրված ասուլիսում որոշ մանրամասներ պատմեց .կազմակերպված մրցույթի առաջին փուլին,  քանդակագործ Դավիթ Մինասյանը չի մասնակցել։ «Երկրորդ փուլ էին անցել  3 աշխատանք եւ անսպասելիորեն, երկրորդ փուլում ընդգրկվեցին նոր աշխատանքներ, այդ թվում նաեւ Դավիթ Մինասյանինը:Բացահայտ անցկացվեց Դավիթ Մինասյանի աշխատանքը, նրա աշխատանքում նույնիսկ դիմաքանդակ չկար, բացակայում էր պլաստիկան, կոնստրուկտիվ շատ ծանր էր, եւ հանձնաժողովի անդամները ընդունում էին այս թերությունները եւ ասում՝ «ոչինչ, կփոխի» »: «Դավիթ Մինասյանի աշխատանքը մրցույթի ժամանակ ստացել է 7 ձայն:Երևում էր, որ ի սկզբանե կանխորոշված էր, որ Դավիթ Մինասյանը պետք է հաղթեր»,շարունակեց նա: Ճարտարապետների թանգարանի տնօրենը կողմ է քվեարկել Սամվել Ղազարյանի աշխատանքին։ Դա այն արձանն էր, որը գրեթե չուներ թերություններ,կարծում է նա:   «Այս իրավիճակը համահունչ է մեր իրականությանը, Արամ Մանուկյանի արձանի ընտրության մեջ կա կոռուպցիա, քանի որ մրցույթի առաջին փուլում Դավիթ Մինասյանի այս գործն ընդգրկված չի եղել, և երկրորդ փուլում հանկարծակի հայտնվել է»,- ասաց Հովհաննես Թումանյանի տուն-թանգարանի տնօրեն Նարինե Թուխիկյանը։  Ըստ Թուխիկյանի,  մեր իրականության հոռի բարքերը փաստորեն հայտնվել են հայկական մշակույթի մեջ։ Մեր ամեն դրվագը ստի վրա է հիմնված, ասում է Նարինե Թուխիկյանը:   Թեև հանձնաժողովի կազմը գաղտնի էր պահվում,սակայն մեզ հաջողվեց ճշտել որոշ անուններ.Լևոն Իգիթյան,Անուշ Տեր- Մինասյան,Արև Սամուելյան,ճարտարապետներ Աշոտ Հարությունյան և Տիգրան Բարսեղյան,դաշնակցականներ Աղվան Վարդանյան և Սպարտակ Սեյրանյան: Մեր ունեցած տեղեկություններով ներկայիս նախագծի օգտին մեծ լոբինգ է արել Երևանի ավագանու անդամ Լևոն Իգիթյանը,ով ամեն ինչ արել է ,որպեսզի Դավիթ Մինասյանի էսքիզն անցնի: Հատկանաշական և ուշադրության է արժանի այն փաստը,որ ներկա դաշնակցականներից Աղվան Վարդանյանը ևս քվեարկել է Դավիթ Մինասյանի  աշխատանքի օգտին,իսկ ահա Սպարտակ Սեյրանյանը կողմ է եղել և քվեարկել է  Սամվել Ղազարյանի աշխատանքի օգտին: Հավանաբար Լևոն Իգիթյանի լոբբինգը մեծ ազդեցություն է ունեցել: Նշենք, որ արձանի հարցը կքննարկվի ավագանու նիստում՝ փետրվարի 13-ին։ Արձանը պետք է կանգնեցված լինի այս տարվա մայիսի 28-ին, Առաջին հանրապետության հիմնադրման հարյուրամյա հոբելյանի առիթով։