«Ժամանակ»-ը զրուցել է քաղաքագետ ՍուրԵն Զոլյանի հետ: Ներկայացնում ենք հատված:-Պարոն Զոլյան, օրերս կառավարությունը հավանություն տվեց օրենքի մի նախագծի, ըստ որի՝ կառավարության նիստերը խորհրդարանական կառավարման մոդելին լիարժեք անցումից հետո անցկացվելու են դռնփակ ռեժիմով: Ընդհանրապես իշխանությունների վերջին բոլոր նախաձեռնությունները շատերը տեսնում են կոնկրետ անձանց հարմարեցնելու կոնտեքստում: Համակարծի՞ք եք:
-Ես չէի ասի, որ սա ուղղված է կոնկրետ անձանց, դա մանրուք է: Այն հարցերը, որ կառավարության նիստի ժամանակ քննարկվում են՝ նախապես քննարկված հարցեր են, և դա խորհրդարան չէ, որտեղ տարբեր խմբակցություններ ելույթներով են հանդես գալիս: Թե ինչու են նիստերը դառնում դռնփակ, լավ չեմ հասկանում, բացի լրագրողներից, ես չգիտեմ որևէ մեկին, որ հետևի այդ նիստերին:
Սա բոլորովին հանրային տիրույթից չէ: Եթե որոշումների պատրաստման հարցերը լինեն թափանցիկ՝ նիստերի հեռարձակումը երրորդական հարց կհամարեմ:
-Վերջերս փոփոխություն եղավ նաև Անվտանգության խորհրդի կազմում՝ առաջին փոխվարչապետի պաշտոն հաստատվեց: Բացի այդ, ի տարբերություն գործող խորհրդի՝ այնտեղ տեղ չեն ունենալու ո՛չ ԱԺ, ո՛չ էլ ՀՀ նախագահները: Ի՞նչ միտումներ եք տեսնում:
-Ես չէի կապի անձերի հետ, որովհետև նախագահի պաշտոնը զուտ ծիսակարգային է, իմաստ էլ չունի, որ նա դառնա Անվտանգության խորհրդի անդամ: Եթե նա պատասխանատու չէ, լիազորություններ չունի այդ հարցում՝ նրա կարծիքը կարելի է հեռախոսով էլ հարցնել: Ես մեծ դեր չէի տա այդ քննարկումներին:
-Իսկ ԱԺ նախագա՞հը, չէ՞ որ անցում ենք կատարում խորհրդարանական կառավարման մոդելին:
-Նախկինում գուցե ճիշտ էր, նաև բոլոր ֆրակցիաների իմաստով: Բայց եթե գրված է խորհրդարանական հանրապետություն՝ բոլորովին չի նշանակում, թե Հայաստանն իրոք խորհրդարանական հանրապետություն է: Սա միապետություն է, և խնդիրն այս համակարգի մեջ պետք է դիտարկել: Դա ցույց է տալիս, որ Ազգային ժողովն առանձնապես դեր չի խաղում, մեծամասնությունը կնշանակի վարչապետին, և հետագայում խորհրդարանը միայն օրենքի դակիչի դերը կստանձնի: Մեծամասնությունը կընտրի վարչապետին, նա էլ ինչ-ինչ օրենքներ կուղարկի ԱԺ՝ հաստատելու:
-2.5 ամիս անց կավարտվի Սերժ Սարգսյանի նախագահության շրջանը, իսկ մինչ այսօր հանրությունը տեղյակ չէ, թե ով է լինելու ՀՀ վարչապետը ապրիլից հետո: Ի՞նչ եք կարծում՝ ինչո՞ւ ՀՀԿ-ն այդ մասին չի հայտարարում:
-Ինչպես ասացի՝ մենք ապրում ենք միապետական համակարգում, և Հանրապետական կուսակցությունը նազիր- վեզիրների հավաքածու է: Նազիրները չէ, որ պետք է սուլթան ընտրեն, սուլթանն է որոշում՝ ով պետք է լինի նազիր- վեզիրը: Նույնն է, որ ասում են՝ ինչու Իլհամ Ալիևը պետք է ևս 7 տարի ղեկավարի, որովհետև պատերազմական վիճակ է, չլուծված հարցեր կան: Նա իշխում է, որովհետև իշխում է, տրամաբանություն պետք չէ փնտրել: Միջնադարում ասում էին՝ Աստվածն է շնորհել իշխանությունը: Հիմա մենք այդ բացատրությունը չունենք, ուղղակի իշխանության վերարտադրության մոդելն է: Իշխանությունը պահում են այնքան, որքան կարողանում են»,-գրում է թերթը:
Նյութն ամբողջությամբ կարդացեք թերթի այսօրվա համարում:
Փետրվարի 20-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Փետրվարի 20-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Փետրվարի 20-ին՝ ժամը 12։30-ին, Հայելի ակումբի հյուրն է Արմինե Ադիբեկյանը
Փետրվարի 20-ին՝ ժամը 13։30-ին, Հայելի ակումբի հյուրն է Հայկ Այվազյանը
Փետրվարի 19-ին՝ ժամը 15։00-ին, Հայելի ակումբի հյուրն է ԱԺ պատգամավոր Արմենուհի Կյուրեղյանը
Փետրվարի 19-ին՝ ժամը 11։00-ին, Հայելի ակումբի հյուրն է բանաստեղծ, քաղաքական գործիչ Խաչիկ Մանուկյանը
Փետրվարի 19-ին՝ ժամը 16։30-ին, Հայելի ակումբի հյուրն է «Համահայկական ճակատ» շարժման անդամ Ռուզան Ստեփանյանը
Փետրվարի 19-ին՝ ժամը 13։00-ին, Հայելի ակումբի հյուրն է հոգեբան Կարինե Նալչաջյանը
Փետրվարի 18-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Փետրվարի 18-ին՝ ժամը 15։00-ին, Հայելի ակումբի հյուրն է Սեյրան Չիլինգարյանը
Հետևեք մեզ Viber-ում
