Առողջապահության նախարար Լեւոն Ալթունյանը խորհրդարանում լրագրողների հետ զրույցում ասաց, որ բավականին երկար ժամանակ ծխել է, եւ մի օր ուղղակի առավոտվանից դադարել է ծխել: Նրա կարծիքով, հակածխախոտային պայքարում հենց ցածր տուգանքներն են բյուջեն լցնելու միջոցը. «Եթե մենք էժանացնենք այդ տուգանքները, դա կհամարվեր բյուջեն լցնելու միջոց։ Եթե տուգանքը բարձր է, արգելելու միջոց է, եթե ցածր է, առևտրի առիթ է՝ մի քիչ փող տանք, որ կարողանանք ծխել։ Մենք փորձել ենք գնալ ծխելը վերացնելու ճանապարհով»:
Հարցին, թե հնարավո՞ր է հետ կանգնի նախարարությունը այդքան բարձր տուգանքներից, ասաց, որ ամեն ինչ պարզ կլինի խորհրդարանում քննարկումների ժամանակ։
Հիշեցնենք, որ «Ծխախոտային արտադրատեսակների օգտագործման բացասական ազդեցության նվազեցման և կանխարգելման» մասին նախագծի՝ արգելվում է ծխախոտային արտադրատեսակի մանրածախ վաճառքը կամ որևէ այլ եղանակով իրացումը բաց տուփով կամ մեկ սպառողական փաթեթում քսան հատ սիգարետից ավելի կամ պակաս լինելու դեպքում, արգելվում է ծխախոտային արտադրատեսակներ կամ ծխախոտային արտադրատեսակների նմանակներ կամ ծխախոտի փոխարինիչներ վաճառել կամ որևէ այլ եղանակով իրացնել 18 տարին չլրացած անձանց, արգելվում է ծխախոտի վաճառքը բուժհաստատությունենրում և այլն։ Արգելվում է նաև վաճառքը մանկապատանեկան կազմակերպությունների տարածքներում, նախադպրոցական, հանրակրթական, ներառյալ 100 մետր շառավղով դրանց հարող տարածքներում, ինչպես նաև՝ խաղատներում, առևտրի և զվարճանքի օբյեկտներում։
Այնուհետև, անդրադառնալով Սեյրան Սարոյանի այն հայտարարությանը, թե «Առողջապահության նախարարը չի ծխում, դրա համար էլ հաջողության մեջ մեռնում ա», Ալթունյանը կատակեց, որ մեռնելը մի 30-40 տարով հետաձգել է:
Հիշեցնենք նաև, որ Առողջապահության նախարարությունը հասարակական վայրերում ծխելու համար տուգանքներ է սահմանել, որի չափերը տատանվում են 50-700 հազար դրամի սահմաններում:
Փետրվարի 20-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Փետրվարի 20-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Փետրվարի 20-ին՝ ժամը 12։30-ին, Հայելի ակումբի հյուրն է Արմինե Ադիբեկյանը
Փետրվարի 20-ին՝ ժամը 13։30-ին, Հայելի ակումբի հյուրն է Հայկ Այվազյանը
Փետրվարի 19-ին՝ ժամը 15։00-ին, Հայելի ակումբի հյուրն է ԱԺ պատգամավոր Արմենուհի Կյուրեղյանը
Փետրվարի 19-ին՝ ժամը 11։00-ին, Հայելի ակումբի հյուրն է բանաստեղծ, քաղաքական գործիչ Խաչիկ Մանուկյանը
Փետրվարի 19-ին՝ ժամը 16։30-ին, Հայելի ակումբի հյուրն է «Համահայկական ճակատ» շարժման անդամ Ռուզան Ստեփանյանը
Փետրվարի 19-ին՝ ժամը 13։00-ին, Հայելի ակումբի հյուրն է հոգեբան Կարինե Նալչաջյանը
Փետրվարի 18-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Փետրվարի 18-ին՝ ժամը 15։00-ին, Հայելի ակումբի հյուրն է Սեյրան Չիլինգարյանը
Հետևեք մեզ Viber-ում
