«Ելքի» հայհոյանքը
ԱԺ-ում «Ելք» խմբակցության պատգամավոր Արամ Սարգսյանը, պատասխանելով հարցին, թե ինչու վերջին հանրահավաք-երթից հետո «Ելքի» առաջնորդները մարդկանց տուն ուղարկեցին, ասաց, որ այժմ այդ արտահայտությունը դարձել է հայհոյանքի նման մի բան: «Հայ քաղաքական դաշտում տուն ուղարկելը հայհոյանքի նման բան է դարձել, իսկ իրականում քաղաքականությունը դրա մեջ պետք է լինի: Մարդը պիտի ակցիային մասնակցի, հետո տուն գնա, չպիտի գա ու փողոցում մնա՝ առանց լողանալու ու լվացվելու, զուգարանի տեղ ման գա»,- մեկնաբանեց նա: Նրա համոզմամբ՝ իշխանությունն արդեն հետևություններ է արել` գյուղացիներին դիզվառելիքի համար դոտացիա են տալու, տրանսպորտը չի թանկանա առայժմ: «Պատկերացրեք, այս թանկացումների ֆոնին չլիներ մի ուժ, որ ասեր՝ հանրություն, եկեք փորձենք միասին փողոցում, այդ ժամանակ ձեր կողմից ամենաշատը տրվող հարցը դա էր լինելու՝ դուք ի՞նչ ընդդիմություն եք, այս թանկությունների ընթացքում մի հատ միտինգ էլ չարեցիք, հանրությանը չհարցրիք՝ ինքը կողմ էր, թե՞ դեմ»,- ասաց նա:
Հետևեք մեզ Viber-ում
