Փաստաբանների պալատը պարզաբանում է

Փաստաբանների պալատի մամուլի խոսնակ Ծովինար Խաչատրյանը պարզաբանել է, թե ինչու էր Արա Զոհրաբյանի մեքենան ՀՀԿ գրասենյակի մոտ կայանված: Տեքստում ասված է՝ 1. Բողոքի ակցիայի վերաբերյալ նախաձեռնող խմբի հայտարարությունն ընդունվել է 2018 թ. փետրվարի 6-ին՝ ժամը 11:30-ի սահմաններում, այն հրապարակվել է փաստաբանների պալատի կայքում ժամը 12:39: 2. Փաստաբանների պալատի նախագահ Արա Զոհրաբյանի հանդիպումը Հանրապետական կուսակցության ներկայացուցիչների հետ եղել է ժամը 13:15-ից հետո: 3. Այս հարցի կապակցությամբ Փաստաբանների պալատի նախագահը հանդիպման պայմանավորվածություն ունի Ծառուկյան դաշինքի եւ Հանրապետական կուսակցության խմբակցությունների ներկայացուցիչների հետ՝ վաղը՝ ՀՀ Ազգային ժողովում: Նույն հարցի առնչությամբ քննարկումներ արդեն եղել են Ելք խմբակցության ներկայացուցիչների հետ եւ պայմանավորվածություն պետք է ձեռք բերվի ՀՅԴ խմբակցության ներկայացուցիչների հետ: