Ինչու են դատի տվեր Սիլվեսթեր Սթալոնեին

Նյու Ջերսիի բնակիչ, դերասան եւ Ռոքիի մասին կինոսերիայի երկրպագու Ջարեթ Ալեքսանդերը դատական հայց է ներկայացրել «Քրիդ. Ռոքիի ժառանգությունը» ֆիլմի ստեղծողների նկատմամբ: Ջարեթը մեղադրում է Սիլվեսթեր Սթալոներին եւ սցենարիստին, ինչպես նաեւ ռեժիսոր Ռայան Քուգլերին իր գաղափարները գողանալու եւ դրանք ֆիլմի վերածելու մեջ, որը նրանց միլիոնավոր դոլարների եկամուտ է բերել: Փետրվարի 26-ին ներկայացված հայցի համաձայն, որի մանրամասները հայտնի են դարձել Entertainment Weekly պարբերականին, Ջարեթ Ալեքսանդերը 2010-ին ԱՄՆ հեղինակային իրավունքի բյուրոյում գրանցել է իր սցենարը, որը պատմում է իր որդու՝ Ապոլլո Քրիդի մասին: Ընդ որում սեւագիրը գրվել է գրանցումից երկու տարի առաջ: Սցենարը ստացել է «Քրիդ. Ռոքիի ժառանգությունը» անունը: Հետաքրքիր է, որ օրիգինալում ֆիլմի անվան մեջ կա միայն կինոսերիայի հերոսի գլխավոր մրցակիցներից մեկի ազգանունը: Հաղորդվում է, որ Ալեքսանդերն ու իր գործընկերները փորձել են Սիլվեսթեր Սթալոնեի ուշադրությունը հրավիրել սցենարի վրա Twitter-ի միջոցով, բայց դերասանն այդպես էլ չի արձագանքել: ՄԻայն 2013-ին է հայտնի դարձել, որ Warner Bros եւ MGM ստուդիաները աշխատելու են Ռոքիի մասին պատմության շարունակության վրա: 35 մլն դոլարի բյուջեով ֆիլմը միջազգային վարձույթում 173 մլն դոլարի եկամուտ է բերել: