Վիգեն Սարգսյանի կորտեժը 1 րոպեում 3 խախտում է կատարում.ՀԺ (տեսանյութ)

ՀՀ պաշտպանության նախարար Վիգեն Սարգսյանին  սպասարկող «ՊՆ 0001» եւ նրա թիկնազորին սպասարկող «ՊՆ 101» պետհամարանիշներով մեքենաները փետրվարի 3-ին Երեւանի Աբովյան փողոցում 1 րոպեի ընթացքում երթեւեկության կանոնների 3 խախտում են թույլ տվել: Հայկական ժամանակի  տեսախցիկը ֆիքսել է, որ նշված պետհամարանիշով մեքենաները կանգնում են Աբովյան-Կորյուն փողոցների հատման մասի լուսացույցի կանգ-գծի մոտ: Մեքենաները կանգնում են 4-րդ գծում: Ճանապարհային երթեւեկության նշաների կահավորվածության համաձայն, այդ սեկցիայից երթեւեկությունը թույլատվում է բացառապես դեպի ձախ՝ Կորյունի փողոց, սակայն նախարարին ուղեկցող մեքենաները սլանում են ուղիղ դեպի Մոսկովյան-Աբովյան խաչմերուկ: Այդ ընթացքում էլ «ՊՆ101» պետհամարանիշով մեքենան հասցնում է երկու անիվներով հատել կանգ գծին ուղղահայաց գծանշումը: Այսքանով չբավարարվելով, նախարարին սպասարկող մեքենաները, հասնելով Աբովյան-Թումանյան փողոցների հատման մաս, կրկին նույն ձեւով խախտում են կանգ-գծին ուղղահայաց գծանշումը, որից հետո մեքենաները Պուշկինի փողոցից շարունակում են երթեւեկությունը դեպի Հյուսիսային պողոտա: Ի դեպ, Վիգեն Սարգսյանը բնակվում է Հյուսիսային պողոտայի շենքերից մեկում: Վարչական իրավախախտումների վերաբերյալ օրենսգրքի համաձայն, վերը նշված խախտումներից յուրաքանչյուրի համար սահմանված է 5 հազար դրամ տուգանք, բայց քանի որ Ճանպարհային ոստիկանությունը «ջրում է» ՊՆ պետհամարանիշով մեքենաների խախտումները, ապա այս դեպքում եւս նախարարի վարորդները չեն տուգանվի: