«Նոր Ռոնալդոն»
Միլանի «Ինտեր»-ի լեգենդ Խավյեր Ձանետին կարծում է, որ թիմի նախկին հարձակվող Ադրիանոն չկարողացավ օգտագործել իր անսահման ներուժը հոր մահվան պատճառով: «Երբ նա նոր էր հայտնվել «Ինտեր»-ում, ես միանգամից հասկացա, որ Ադրիանոն մեծ ներուժ ունի: Նա կարող էր դառնալ «նոր Ռոնալդո». առնվազն այդքան ներուժ ուներ Ադրիանոն: Ես միշտ անհանգստանում էի նրա համար, քանի որ աղքատության մեջ մեծացած մարդիկ, երբ միանգամց շատ գումար են վաստակում, կորցնում են իրենց: Փողը նրա համար խոչընդոտ չէր… Նա հայր ուներ, ումից շատ էր վախենում: Ես հիշում եմ, թե ինչպես էր գոռում ու լաց լինում, երբ զանգահարեցին ու ասացին հոր մահվան մասին: Ես ու Կորդոբան քաջալերում էինք նրան ու ասում, որ մոտ է Իբրահիմովիչի ու Ռոնալդոյի խաղամակարդակին, բայց նրան ընկճախտից դուրս գալ չհաջողվեց»,- Ձանետիի խոսքն է փոխանցում «fcinter1908.it»-ը:
Հետևեք մեզ Viber-ում
