Վարչապետի խորհրդականը ապակողմնորոշում է նրան

«Չորրորդ իշխանություն» թերթը գրում է. «ՉԻ» տեղեկություններով՝ կառավարությունում դժգոհ են վարչապետ Կարեն Կարապետյանի հասարակական հիմունքներով խորհրդական Արմեն Ավակ Ավակյանից: Վերջինս վարչապետի խորհրդական դառնալու օրը զբաղեցրել է նաեւ Հայաստանի զարգացման հիմնադրամի գործադիր տնօրենի պաշտոնը: Կարեն Կարապետյանի թիմակիցների կարծիքով՝ Արմեն Ավակ Ավակյանը Հայաստանում ներդրումների մասով ոչ արդյունավետ խորհուրդներ է տալիս վարչապետին: Հիշեցնենք, որ վարչապետը կառավարության անդամներից ու նախարարներից պահանջել էր իրենց ղեկավարած ոլորտների համար սեփական ուժերով ներդրումային աղբյուրներ փնտրել-գտնել, ինչն էլ մեծ դժգոհություն էր առաջացրել վերջիններիս շրջանում»: Առավել մանրամասն՝ թերթի այսօրվա համարում