Իրաքի վարչապետը առաջարկել է ինտեգրել տարածաշրջանի էներգետիկ և տրանսպորտային ցանցերը
Իրաքի վարչապետ Ալի ալ-Զաիդին Բաղդադում Իսլամական համագործակցության կազմակերպության (ԻՀԿ) արտաքին գործերի նախարարների խորհրդի նիստի բացման ժամանակ հայտարարել է տարածաշրջանային պետությունների էներգետիկ, տրանսպորտային և կապի ցանցերի ինտեգրման նախաձեռնության մասին։
INA լրատվական գործակալության հաղորդմամբ՝ վարչապետի խոսքով, նախաձեռնությունը ներառում է նաև «թվային վճարային համակարգերի և առևտրային հարթակների զարգացումը, ինչպես նաև արդյունաբերական գոտիների ինտեգրումը»։
Նա բացատրել է, որ իրաքյան առաջարկը նպատակ ունի «ապահովել անվտանգությունը, կայունությունը և բարգավաճումը՝ ամրապնդելով ճգնաժամերին և մարտահրավերներին դիմակայելու կարողությունը»։
«Տարածաշրջանի առջև ծառացած ճգնաժամերը պահանջում են մեզանից ակտիվացնել մեր համատեղ ջանքերը՝ մեր ժողովուրդների շահերը պաշտպանելու, իսլամական աշխարհի ընդհանուր շահերը սպասարկելու և մեր սերունդների ապագան ապահովելու համար», – ընդգծել է վարչապետը:
Ալ-Զաիդին նաև կոչ է արել ապահովել «առևտրի ազատությունը, դրա երթուղիների պաշտպանությունը և միջազգային միջանցքներով տրանսպորտի անարգել տեղաշարժը»:
Հետևեք մեզ Viber-ում
