Ծանր հետևանքներ են լինելու․ Ռուսաստանի ղեկավարությունը շատ խիստ քայլերի է անցել․ Սամվել Կարապետյան (video)
Սամվել Կարապետյանի գնահատմամբ՝ Նիկոլ Փաշինյանի անպատասխանատու հայտարարություններն ու Ռուսաստանի հետ հարաբերությունների վատթարացումը ծանր հետևանքներ են ունեցել այնտեղ ապրող և աշխատող հայերի համար։ Նա պնդում է, որ այդ քաղաքականության պատճառով հատկապես հայկական բիզնեսն է տուժել՝ խոսելով նույնիսկ տասնյակ միլիարդավոր դոլարների վնասների մասին և որպես օրինակ առանձնացնելով Կրասնոդարի երկրամասի հայ գործարարների վիճակը։
Կարապետյանի խոսքով՝ խնդիրը միայն ֆինանսական կորուստները չեն։ Ռուսաստանում հայերի նկատմամբ տարիներ շարունակ ձևավորված առանձնահատուկ վերաբերմունքը, նրա գնահատմամբ, վերջին տարիներին աստիճանաբար քայքայվում է։ Նա դա ուղղակիորեն կապում է Հայաստանի իշխանությունների վարքագծի և բարձր մակարդակով հնչող հայտարարությունների հետ՝ նշելով, որ դրանց հետևանքները զգում են ոչ միայն Հայաստանի քաղաքացիները, այլև Ռուսաստանի տարբեր շրջաններում ապրող հայերը։
Փաշինյանի հակառուսական հայտարարություններին արձագանքում են ոչ միայն Ռուսաստանի բարձրագույն իշխանությունները, այլև Ռուսաստանի տարածաշրջանների ղեկավարները։ Ըստ Կարապետյանի՝ նրանք լսում են Նիկոլի հայտարարությունները, դրանց հիման վրա վերաբերմունք են ձևավորում Հայաստանի և հայերի նկատմամբ ու որոշում, որ այլևս չպետք է առանձնահատուկ վերաբերմունք ցուցաբերեն Ռուսաստանում ապրող հայերին։
Հետևեք մեզ Viber-ում
