Էդուարդ Շարմազանով․ «Անբարոյականություն է սեպտեմբերի 27-ին համերգ եթեր տալը»
ՀՀԿ Գործադիր մարմնի անդամ Էդուարդ Շարմազանովը գրել է․
Անբարոյականություն է սեպտեմբերի 27-ին եթեր տալ համերգ …
Փոխում եմ հեռուստացույցի ալիքները ու 17։19 -ին հ1 -ի եթերում Ֆեստիվառ Գյումրիում են հեռարձակում։
Մի քեֆ,մի ուրախություն։
Լավ արա,լրիվ ցնդե՞լ եք։
Այսօր սեպտեմբերի 27 է,44-օրյա աղետալի պատերազմի սկսման ամսաթիվը։
Մարդիկ խնկարկում են մեր նահատակների հիշատակը,դուք համերգ եք եթեր տալիս։
Լրիվ մարդկային արժեք կորցրե՞լ եք։
Հազարավոր հայորդիներ են զոհվել ,դուք էս օրով համերգ եք հեռարձաքում։
Մնում է ապրիլի 24-ին էլ Զեյնաբի համերգը եթեր հեռարձակեք ու վերջ։
Էհ Հրանտ Մաթեւոսյան,ականջդ կանչի…
«Մարդ ու անասուն իրարից ջոկվում են հիշողությամբ: Հիշողությունը դրած է անասունի ու մարդու արանքում: Հիշողության մեջ ես՝ ուրեմն վառվում ես, մարդ ես, հաշիվներ ունես, անհանգիստ ես և հիշողության մեջ չես՝ հրեն բաց դաշտում կովն արածում է առանց հիշողությունների, իսկ հորթին երեկ են մորթել: Էն ծառը թե հիշողություն ունի՝ քոնոնք էլ ունեն: Քոնոնց կտրում են, մորթում են, զրկում են, ծաղրում են և քոնոնք իրենց հիշողությունից փախչում են, և նորից կզրկվեն ու նորից կզրկվեն ու նորի՛ց, ու նորից հիշողություն չեն ունենա, որովհետև վախենում են ծաղրին բռունցքով ու զրկվելուն կտրելով պատասխանել…»
Հետևեք մեզ Viber-ում
