Պուտինյան ռեժիմի ամբողջական գույքագրումն սկսված է

ԱՄՆ ֆինանսների նախարարության ֆինանսական հետախուզությունը Հետախուզության ազգային ծառայության ու պետդեպարտամենտի հետ կազմել և այսօր Կոնգրեսին է ներկայացրել ՊՈՒՏԻՆՅԱՆ ՌԵԺԻՄԻ ԳՈՒՅՔԱԳՐՄԱՆ՝ անցյալ տարվա օրենքով սահմանված ու երկար սպասված ՏԱՐԵԿԱՆ ցուցակը։ Սա շատ ավելի կարևոր է, քան այսօր պետդեպարտամենտի կողմից մերժված որևէ մասնակի սանկցիաները. պուտինյան ռեժիմի ամբողջական գույքագրումն սկսված է։ ԱՄՆ ֆինանսների նախարարության այսօր Կոնգրեսին ուղարկված ցուցակի գաղտնազերծված մասը՝ Ռուսաստանի 210 բարձրաստիճան պաշտոնյաների ու օլիգարխների (114 չինովնիկ ու 96 օլիգարխ) ամբողջական ցուցակը անգլերենով՝ պաշտոնական փաստաթղթի 9 էջանոց հավելվածի կարգով։ Այս մարդիկ այսուհետ գտնվելու են ԱՄՆ բոլոր հատուկ ծառայությունների, ու հատկապես՝ Ֆիննախի ֆինանսական հետախուզության մշտական ու շարունակական մոնիտորինգի տակ, նրանց ցանկացած ֆինանսական գործողություն, հատկապես Ռուսաստանի սահմաններից դուրս ու դոլարով, ամբողջությամբ արձանագրվելու է, ՆՐԱՆՑ ԴԵՄ ՑԱՆԿԱՑԱԾ ՊԱՀԻ ԿԱՐՈՂ ԵՆ ՆՈՐ ՈՒ ԼՐԱՑՈՒՑԻՉ ՍԱՆԿՑԻԱՆԵՐ ԿԻՐԱՌՎԵԼ, Այս ցուցակը նրանց կարողությունների ու վերջինիս ձևավորման եղանակների վերաբերյալ նոր փաստերով համալրված օրենքի պահանջով Կոնգրես է ուղարկվելու և ՎԵՐԱՀՐԱՏԱՐԱԿՎԵԼՈՒ Է ԱՄԵՆ ՏԱՐԻ