Ֆիդանը Բաքվում անդրադարձել է Հայաստանին

«Մենք գոհունակությամբ ենք հետևում վերջին շրջանում Ադրբեջանի և Հայաստանի միջև վերջնական խաղաղության հասնելու ուղղությամբ արձանագրված զարգացումներին և ընդունում այդ հարցում Ադրբեջանի կառուցողական դիրքորոշումը։ Նաև հավատում ենք, որ այս գործընթացի ավարտով մեր տարածաշրջանում կսկսվի համագործակցության նոր շրջան»։

Այս մասին Բաքվում հայտարարել է Թուրքիայի արտգործնախարար Հաքան Ֆիդանը՝ Ադրբեջանի արտգործնախարար Ջեյհուն Բայրամովի հետ համատեղ ասուլիսի ժամանակ։

Նա ցանկություն է հայտնել, որպեսզի Հարավային Կովկասը ընկալվի ոչ թե հակամարտություններով, այլ խաղաղությամբ, տրանսպորտային կապերի զարգացմամբ, էներգետիկայով, առևտրով և տնտեսական զարգացմամբ։