Օրենքի ընդունումից հետո խաղացողների թիվն աճե՞լ է. «Հրապարակ»
«Հրապարակ» օրաթերթը գրում է, որ օնլայն խաղերի «ինքնարգելափակման» համակարգի գործարկումից երեք ամիս անց չլիցենզավորված հարթակների նկատմամբ հետաքրքրությունը աճել է։ Եթե հունվարին նման հարթակների այցելությունները 287.5 հազար էին, ապա հուլիսի վերջին՝ ներդրումից հետո, հասել են 808.7 հազարի՝ գրեթե եռակի աճ։
Թերթը նշում է, որ սահմանափակումները վերաբերում են միայն լիցենզավորված օպերատորներին, մինչդեռ չլիցենզավորված հարթակները շարունակում են հասանելի մնալ, և ինքնարգելափակված խաղացողը կարող է շարունակել խաղալ։
Ըստ «Հրապարակ»-ի, աճող գովազդը սոցիալական ցանցերում և հայկական բանկային քարտերով վճարումների հասանելիությունը հարցականի տակ են դնում համակարգի արդյունավետությունը, ինչպես նաև Ազգային ժողովի նախկին պատգամավոր Հայկ Սարգսյանի նախաձեռնած փոփոխությունների արդյունքը։
Հետևեք մեզ Viber-ում
