Ռուսաստանում բողոքի ցույցերի 250 մասնակից է ձերբակալվել, այդ թվում՝ Նավալնին
«Կոռուպցիայի դեմ պայքարի հիմնադրամի»ղեկավար, ընդդիմադիր գործիչ Ալեքսեյ Նավալնիի՝ Մոսկվայում հրավիրած «Ընտրողների գործադուլ» բողոքի ակցիային 16 մարդ է բերման ենթարկվել։ Բերման ենթարկվածների թվում է նաև ինքը՝ Նավալնին։ Նրան տեղափոխել են ոստիկանության Յակիմանկայի բաժին։ Ավելի ուշ ոստիկանության բաժին է այցելել Ռուսաստանի նախագահի թեկնածու, հաղորդավար Քսենիա Սոբչակը։ Ըստ ռուսական լրատվամիջոցների, նա ընդդիմադիր գործչին ջուր և սնունդ է բերել։ Նշենք, որ Ռուսաստանի տասնյակ մարզերում Նավալնիի հրավիրած բողոքի ցույցերի ժամանակ, վերջին տվյալներով, ավելի քան 250 մարդ է բերման ենթարկվել։ Կենտրոնական ընտրական հանձնաժողովը, հիշեցնենք, դեռևս դեկտեմբերին հրաժարվել է գրանցել Նավալնուն որպես Ռուսաստանի նախագահի թեկնածու՝ դատվածության պատճառով։ Նավալնիի այս ցույցերով բողոքում է այդ արգելքի դեմ։ Աղբյուրը՝ Ազատություն
Հետևեք մեզ Viber-ում
