Հութիները հայտարարել են, որ խոցել են Սաուդյան Արաբիային պատկանող անօդաչու թռչող սարք
Եմենի «Անսար Ալլահ» շարժումը հայտարարել է, որ Եմենի օդային տարածքում խոցել է Սաուդյան Արաբիային պատկանող «Wing Loong II» հետախուզական և հարձակողական անօդաչու թռչող սարք։ Այս մասին հայտարարել է շարժման ռազմական խոսնակ Յահյա Սարիան։
«Եմենի զինված ուժերը կարողացան խփել Սաուդյան Արաբիային պատկանող Wing Loong II հետախուզական անօդաչու թռչող սարքը, երբ այն կատարում էր թշնամական առաքելություն», – հայտարարել է նա։
Սարիայի խոսքով, անօդաչու թռչող սարքը խփվել է այսօր առավոտյան՝ երկրի հարավ-արևմուտքում գտնվող Թաիզ նահանգի Մակբաննա շրջանի օդային տարածքում։
Հետևեք մեզ Viber-ում
