ԱՄՆ-ը հարվածներ է հասցրել իրանական երեք նավթային տանկերների

ԱՄՆ Զինված ուժերի կենտրոնական հրամանատարությունը (CENTCOM) հայտարարել է երեք իրանական նավթային տանկերների ուղղությամբ հարվածներ հասցնելու մասին։

«Կենտրոնական հրամանատարության ուժերը սեպտեմբերի 5-ին հարվածներ են հասցրել երեք իրանական նավթային տանկերների այն բանից հետո, երբ Իսլամական հեղափոխության պահապանների կորպուսը (ԶՈւ էլիտար ստորաբաժանումներ - խմբ.) բալլիստիկ հրթիռներ էր արձակել տարածաշրջանային ջրերը պարեկող ԱՄՆ ռազմածովային ուժերի երկու նավերի ուղղությամբ»,— ասվում է CENTCOM-ի հրապարակման մեջ։

Համաձայն տեքստի՝ շարքից հանվել են Խարկ կղզու մոտ գտնվող «Downy» տանկերը և Ջասկ նավահանգստային քաղաքի մոտ գտնվող «Stark 1» տանկերը: «Ամերիկյան ուժերը ոչնչացրել են նաև դատարկ «Kylo» տանկերը Օմանի ծոցում»,— հայտարարել է հրամանատարությունը։

Ավելի վաղ SNN հեռուստաալիքը հայտնել էր, որ իրանական տանկերը ենթարկվել է ԱՄՆ ԶՈւ հարվածին՝ Խարկ կղզու մոտ: Այս լրատվամիջոցի տվյալներով՝ հարձակման հետևանքով ոչ ոք չի տուժել։