«Ես չեմ հավատում ոչ մի դաշնակից երկրի, մեր երկիրը շրջափակված է թշնամիներով». Կորյուն Ղումաշյան («Տիգրան Մեծ» ջոկատի հրամանատար)

Բանակի կազմավորման օրվա առթիվ «Եռաբլուր» պանթեոնում ազգին և զինվորնե­րին շնորհավորեց «Տիգրան Մեծ» ջոկատի հրամանատար Կորյուն Ղումաշյանը՝ համոզմունք հայտնելով, որ մենք այսօր ունենք բանակ, որը լիարժեք պատրաստ է բոլոր մարտահրավերներին: «Մեր զինվորները հեշտությամբ կանխեցին վերջին դիվերսիոն փորձը, քանի որ բանակը սպառազինված է ժամանակակից տեխնոլոգիա­նե­րով և այդ սպառազինումը պետք է շարունակվի»,-ասաց Կորյուն Ղումաշյանը: Ռուսաստանի՝ Ադրբեջանին զենք վաճառելու քայլը, նա այսպես բնորոշեց. «Դա ռազմավարական դաշնակցի քայլ չէ»,- հավելեց նաև հետևյալը. «Մենք պետք է զգոն լինենք, չհավատանք ոչ մեկին, մեր դաշնակիցը մենք ենք ու մեր զինվորը, ուրիշ դաշնակից գտնել չենք կարող: Ես չեմ հավատում ոչ մի դաշնակից երկրի, մեր երկիրը շրջափակված է թշնամիներով: Բոլորը իրենց խաղերը տալիս են իրենց շահերից ելնելով. Հայաստանի շահը ոչ մեկին հետաքրքիր չէ, մեր շահի մասին միայն մենք պիտի մտածենք»: Քրիստինե Աղաբեկյան