ԱՄՆ ԿՀՎ ղեկավարը նախօրեին մեկնել է Մոսկվա` չհայտարարված բանակցությունների. BBC

ԱՄՆ կենտրոնական հետախուզական վարչության (ԿՀՎ) ղեկավար Ջոն Ռեթքլիֆը երեքշաբթի ժամանել է Մոսկվա՝ նախապես չհայտարարված բանակցություններ անցկացնելու նպատակով․ գրում է BBC-ն՝ հղում անելով իր ամերիկյան գործընկերին։

Հաղորդվում է, որ Ռեթքլիֆը Ռուսաստանի մայրաքաղաք է ժամանել երեքշաբթի՝ ավելի վաղ։ Ո՛չ Վաշինգտոնը, ո՛չ Մոսկվան չեն հաստատել այցի նպատակը կամ այն, թե ում հետ էր նախատեսվում նրա հանդիպումը։

Ամերիկացի և ռուսաստանցի բարձրաստիճան պաշտոնյաների միջև անձնական հանդիպումները հազվադեպ են տեղի ունենում։

Թռիչքների հետագծման տվյալները հաստատում են, որ երեքշաբթի ԱՄՆ-ից Ռուսաստան՝ Լատվիայի տարածքով, մեկնել է ամերիկյան ռազմական խոշոր ինքնաթիռ։ Այն ավելի ուշ վերադարձել է։

BBC News-ը մեկնաբանության համար դիմել է CIA-ին, Սպիտակ տանը և Պենտագոնին։

Սոցիալական ցանցերում հրապարակված կադրերում երևում է C-17 ռազմատրանսպորտային ինքնաթիռը, որը մոտենում է Մոսկվայի «Վնուկովո» միջազգային օդանավակայանին։

FlightRadar24-ի տվյալների համաձայն՝ ինքնաթիռը Ռիգայի օդանավակայանից մեկնել է Գրինվիչի ժամանակով 05:50-ին և, ըստ երևույթին, Մոսկվա է վայրէջք կատարել մոտավորապես 07:04-ին։ Այն վերադարձել է Ռիգա՝ ժամը 17:00-ից քիչ առաջ։

Սոցիալական ցանցերում հրապարակված այլ կադրերում, ենթադրաբար, երևում է Մոսկվայով անցնող դիվանագիտական ավտոշարասյունը։