Մի քանի կիլոմետրանոց խցանում՝ Երևան-Արմավիր ավտոճանապարհին. Ի՞նչ է կատարվում

Արդեն 1 ժամից ավելի է՝ Երևան-Արմավիր ավտոճանապարհի Մեծամոր քաղաքի վարչական տարածքում՝ գլխավոր մայրուղում, ստեղծվել է 2-3 կիլոմետրանոց խցանում։ Այս մասին հայտնում է shamshyan.com-ը։

Այսօր՝ օգոստոսի 19-ին, նշված ճանապարհին տեղի են ունեցել 2 ճանապարհատրանսպորտային պատահարներ։ Առաջին պատահարի հետևանքով կան տուժածներ, իսկ երկրորդ պատահարի հետևանքով բարեբախտաբար տուժածներ չկան, սակայն պարեկները սպասում են, մինչև կժամանեն ապահովագրական ընկերության ներկայացուցիչները, քանի որ վրացական համարանիշներով բեռնատարի և «Toyota»-ի բախման հետևանքով «Toyota»-ի վարորդը պահանջում է ԱՊՊԱ գործակալին։ Իսկ մեծն ԱՊՊԱ-ն մինչև այժմ չկա, ու դա է պատճատը, որ խցանումը երկարում է։