Գենային ֆոնդը խախտվում է. ինչ անել

ԱԺ-ում «Գենետիկորեն ձևափոխված օրգանիզմներ՝ այլընտրա՞նք, թե՞ պարտադրանք» թեմայով լսումների ժամանակ նշեց ԳԱԱ Էկոկենտրոնի սննդի շղթայի ռիսկերի գնահատման կենտրոնի ղեկավար, պարենային իրավունքի փորձագետ Դավիթ Պիպոյանը նշեց, որ արժեքավորված գյուղատնտեսության զոնաներում չի կարող լինել միաժամանակ արժեքավորված և տրանսգենային գյուղատնտեսություն: «Հայաստանից դեռևս մեկ հայտ կա՝ արժեքավորել Սևանի իշխանը, այն էլ արել է ոչ թե պետությունը, այլ մասնավոր ընկերություններից մեկը: Ինձ հետաքրքրում է՝ արդյոք այսօր գյուղնախարարությունը հայտարարում է, որ Հայաստանը որևէ անելիք չունի արժեքավորված գյուղատնտեսություն ունենալու հարցում, կամ չունի դրա համար պոտենցիալ»,-ընդգծեց մասնագետը: Նրա համոզմամբ՝ այսօր Հայաստանում կան բազմաթիվ սննդամթերքներ, այդ թվում՝ ծիրանը, Սևանի իշխանը, կարտոֆիլը և մի շարք գյուղատնտեսական ապրանքներ որ կարելի էր արժեքավորել: Ի պատասխան գյուղատնտեսության փոխնախարար Աշոտ Հարությունյանն ասաց, որ իրենք նախարարի նախաձեռնությամբ մշտապես լսումներ, քննարկումներ են կազմակերպում և հասկանում են հարցի կարևորությունը։ Նա ընդգծեց, որ գյուղնախարարությունն արժևորում է ծիրանը և ամեն ինչ անում է հետագայում բոլոր տեսակների գենային ֆոնդը պահպանելու համար: