ՌԴ-ն Ադրբեջանի ձեռքով պատերազմ է հրահրում.Լ.Շիրինյան

«Եվրոպայում առաջանում է ՀՀ-ի վերաբերյալ մի պատկեր, ըստ որի՝ Հայաստանը ներքին մղումով ժողովրդականանալով գնում է դեպի եվրոպական համակարգ: Գլխավոր հարցն այն է, որ Հայաստանի իշխանության շրջապատից ոչ մաքուր տարրերը մաքրվեն, կոռուպցիան վերանա: Մենք շատ կենտրոնացված ենք անձերի հարցի քննարկման վրա, թե ով կլինի վարչապետ: Կարծում եմ, որ դա մակերեսային մակարդակի ընկալում է: Հասարակությունը պետք է տնտեսական զարգացման պլատֆորմի պահանջ ներկայացնի և ով կարողանա լուծել այդ հարցը թող լինի վարչապետ»,-Հայելի ակումբում լրագրողներին ասաց  քաղաքագետ Լևոն Շիրինյանը: «Պաշտոնների նշանակումը առաջին հերթին պետք է նոր Սահմանադրության տեքստից և ՀՀ օրենսդրությունից  բխի, և ոչ թե նրանից, թե ամերիկյան կամ եվրոպական կրթություն ունի: Հայաստանը, եթե գիտաարդյունաբերական միավոր չի դառնալու, բացառվում է»,-ասաց նա: ԵԽԽՎ-ում արցախյան հարցում ՀՀ նախագահի  դրական էր,քանի  որ հայկական կողմի համար չափազանց հեշտ է խոսել,  քանի որ Ադրբեջանը ամեն ինչ մերժում է և Ադրբեջանի դիրքորոշումը հեշտացնում է հայկական կողմի բացատրությունը,ասաց նա: «Ռուսաստանը նախապատրասվում է Ադրբեջանի ձեռքով նոր կոնֆլիկտ հրահրել` գուցեև պատերազմ: Դաշնակիցը կազմակերպելու է հարձակում: Հայաստանի իշխանությունը պետք է հայտարարի և ասի, որ Ռուսաստանը զենք չպետք է մատակարարի, այլապես կլինենք ոչ թե դաշնակից, այլ կոմերցիոն գործընկերներ»,-ասաց նա և նշեց, որ թեև ոչ մի կանխատեսում հարյուր տոկոսով չի լինում, սակայն, ավելի լավ է նման սցենարներով տրամադրվել և գործել: