Մեքենա հրելով կարագի գինը չի իջնի. Շարմազանով
«ՀՀԿ ԳՄ նիստի ընթացքում քննարկվել են Սերժ Սարգսյանի պաշտոնական այցը Ֆրանսիա, ներքաղաքական հարցեր: Նախագաների հանդիպումը վերահաստատեց հայ-ֆրանսիական բարեկամությունը, կայանալու են Ֆրանկոֆոնիային նվիրված միջոցառումները, որի շրջանակներում Հայաստան են գալու տարբեր երկրների ներկայացուցիչներ»,- ՀՀԿ Գործադիր մարմնի նիստից հետո նիստի մանրամասները ներկայացրեց ՀՀ Ազգային ժողովի նախագահ Էդուարդ Շարմազանովը : «Քննարկել ենք նաեւ գնաճի հետ կապված լսումները: Գյուղնախարարն առավոտյան ասաց, որ սուբսիդավորում կա, որը շատ դրական է: Տրանսպոտի դրույքաչափը կիջնի, որ ասում են, թե լսումների օգուտը որն է, սա է՝ մենք ունենք դրական տեղաշարժ երկու օր անց»,- ասաց ՀՀԿ խոսնակը: Հայաստանը չի կարող ազդել միջազգային շուկայում գործող գների քաղաքականության վրա,լրագրողներից մեկի այն հարցին,թե ի՞նչ դրական տեղաշարժեր կան, այն դեպքում, երբ այսօր առավոտյան բենզին սպառողները ահազանգեցին, որ բենզինը 10 դրամով թանկացել է,ասաց Շարմազանովը: «Տեղի են ունեցել խորհրդարանական լսումներ, որտեղ շատ մասնագետներ արել են առողջ առաջարկներ: Մենք պատրաստ ենք միշտ էլ քննարկումներ ծավալել, ես չեմ կարծում, որ մեքենա հրելով կարագի գինը իջնում է»,- ասաց նա:
Հետևեք մեզ Viber-ում
