Արաղչին՝ Գերմանիայի ԱԳ նախարարին. Հորմուզի նեղուցում անկայունությունը պայմանավորված է ԱՄՆ-ի և Իսրայելի ագրեսիայով
Իրանի ԱԳ նախարար Աբբաս Արաղչին Գերմանիայի արտաքին գործերի նախարար Յոհան Վադեֆուլի հետ հեռախոսազրույցում հայտարարել է, որ Հորմուզի նեղուցում անկայունությունը կապված է Իրանի դեմ ԱՄՆ-ի և Իսրայելի գործողությունների հետ, հաղորդում է Mehr։
Երկուշաբթի կայացած հեռախոսազրույցի ընթացքում կողմերը քննարկել են երկկողմ հարաբերությունները, ինչպես նաև տարածաշրջանային և միջազգային իրադարձությունները։
Արաղչին գերմանացի գործընկերոջը տեղեկացրել է Օմանի հետ Իրանի շարունակվող խորհրդակցությունների մասին՝ Հորմուզի նեղուցով ծովային նավարկության համար անվտանգ երթուղի սահմանելու հարցի շուրջ։
Իրանի նախարարի խոսքով՝ նեղուցում առաջացած անկայունությունը հետևանք է Իրանի նկատմամբ ԱՄՆ-ի և Իսրայելի գործողությունների։ Նա հայտարարել է, որ միջազգային հանրությունը պետք է ԱՄՆ-ին պատասխանատվության ենթարկի Հորմուզի նեղուցի փակման հետ կապված անվտանգության և տնտեսության համար հետևանքների համար։
Արաղչին նաև ընդգծել է, որ Հորմուզի նեղուցում նավարկության անվտանգության ապահովումը պահանջում է դադարեցնել ԱՄՆ-ի գործողությունները, որոնք Թեհրանը համարում է իրավիճակին միջամտություն, ներառյալ ռազմածովային շրջափակումը և Վաշինգտոնի ստանձնած պարտավորությունների այլ խախտումները։
Արտաքին քաղաքական գերատեսչությունների ղեկավարները նաև քննարկել են երկկողմ հարաբերություններին առնչվող մի շարք հարցեր և ընդգծել Թեհրանի և Բեռլինի միջև տարբեր մակարդակներում դիվանագիտական
Հետևեք մեզ Viber-ում
