Արմեն Սարգսյանը՝ թալանչի. «Երկիր Ծիրանի» կուսակցությունը մերժում է
«Երկիր Ծիրանի» կուսակցությունը մերժում է բոլոր նրանց, ովքեր մասնակից են եղել Հայաստանի Հանրապետության թալանին՝ այդ թվում նաև ՀՀ նախագահի ՀՀԿ-ի թեկնածու Արմեն Սարգսյանին: «Այս անձը խառնված է Ամուլսարի գործարքին, կապ ունի Ամուլսարի գործարքի հետ, բացի այդ, մեզ համար անհասկանալի է, թե այս մարդը ինչպես է դարձել միլիոնատեր: Եղել է ՀՀ դեսպանը եւ լինելով պետական պաշտոնյա, այդ պաշտոնում նա իրավունք չուներ զբաղվելու պետական ձեռնարկատիրությամբ: Այստեղ կան շատ հարցեր եւ պարզաբանումների կարիք կա, թե լինելով տարբեր կազմակերպությունների մեջ որպես ղեկավար մարմնի անդամ ինչպես է համատեղել դեսպանի գործունեությունն այդ ղեկավարման հետ»: Հիշեցնենք, որ հունվարի 21-ին արգելվել է Զարուհի Փոստանջյանի մուտքը Վրաստան։ Զարուհի Փոստանջյանի համոզմամբ՝ Վրաստան իր մուտքի արգելքի պատճառը ՀՀ իշխանություններն են: Մասնագիտությամբ փաստաբան Զարուհի Փոստանջյանը մտադիր է այս հարցով հասնել մինչեւ Եվրադատարան։
Հետևեք մեզ Viber-ում
