Կարեն Կարապետյանի համար պաշտոն ստեղծվեց
Կառավարության այսօրվա նիստում հավանության արժանացավ «Անվտանգության խորհրդի մասին» նոր օրենքի նախագիծը: Այն գործադրին ներկայացրեց արդարադատության նախարար Դավիթ Հարությունյանը: «Անվտանգության խորհուրդը նախկինում խորհրդատվական մարմին էր նախագահի համար, նոր սահմանադրական կոնցեպտով այն պետական մարմին է, որը ղեկավարում է վարչապետը, և սահմանադրությամբ ամրագրված է նաև հիմնական առաքելությունը, այն սահմանում է պաշտպանության ոլորտի հիմնական քաղաքականության հիմնական ուղղությունները», - ասաց Դավիթ Հարությունյանը։ Դավիթ Հարությունյանը խոսելով Անվտանգության խորհրդի կազմի մասին՝ ասաց, որ այն ղեկավարելու է վարչապետը, իսկ կազմում լինելու է առաջին փոխվարչապետը, փոխվարչապետները եւ այլն:
«Այն բաղկացած է լինելու վարչապետից, որը ղեկավարելու է այն, փոխվարչապետներից, պաշտպանության նախարարից, Գլխավոր շտաբի պետից, արտաքին գործերի նախարարից, ԱԽ քարտուղարից, ԱԱԾ տնօրենից, ոստիկանության պետից», - ներկայացրեց նախարարը։
Դավիթ Հարությունյանի խոսքով՝ օրինակ՝ պաշտպանության ոլորտում քաղաքականության հիմնական ուղղություններին վերաբերող որոշումները պետք է ստորագրի ոչ միայն վարչապետը, այլև պաշտպանության նախարարը։
Հետևեք մեզ Viber-ում
