Իրանի հարձակումների հետևանքով Քուվեյթի բանակի մի քանի զինծառայող է վիրավորվել
Քուվեյթի զինված ուժերը հայտնել է, որ երկրի ցամաքային ուժերի մի քանի զինծառայող է վիրավորվել իրանական հարձակումների հետևանքով։ «Արմենպրես»-ի փոխանցմամբ՝ այս մասին հաղորդում է Al Jazeera-ն։
Բանակի հայտարարության մեջ նշվել է, որ բանակի շտաբի պետ, գեներալ-լեյտենանտ Խալիդ Դիրջ Սաադ աշ-Շրեյանն այցելել է վիրավոր զինծառայողներին՝ տեղեկանալու նրանց առողջական վիճակի և տրամադրվող բժշկական օգնության մասին։
Ավելի վաղ Քուվեյթի էլեկտրաէներգիայի, ջրի և վերականգնվող էներգիայի նախարարությունը հայտարարել էր, որ հուլիսի 17-ին Իրանը հարվածել է էլեկտրաէներգիայի և ջրի աղազերծման կայանի, որի հետևանքով կայանին լայնածավալ վնաս է հասցվել։
Իրանն իր հերթին հայտնել է, որ ամերիկյան հարվածներից երկրում զոհերի թիվը հասել է 8-ի, թիրախավորվել են կամուրջներ, օդանավակայան և երկաթուղային կայարան։ Թեհրանը հայտնել է, որ պատասխան հարվածներ է հասցրել տարածաշրջանային երկրներում ամերիկյան օբյեկտների։
Հետևեք մեզ Viber-ում
