Հայաստանի զբոսաշրջության ոլորտը կանգնած է կարևոր ընտրության առաջ. «Փաստ»
«Փաստ»-ը գրում է, որ զբոսաշրջության զարգացումը պահանջում է առանձնահատուկ ուշադրություն, համակարգային մոտեցում և երկարաժամկետ ռազմավարություն, իսկ բնական ու պատմական ռեսուրսները բավարար չեն։ Հիմնական խնդիր է սպասարկման մշակույթը և ծառայությունների որակը։
Թերթը շեշտում է գնի ու արժեքի անհամապատասխանությունը նաև ներքին տուրիզմում, ինչպես նաև կայուն ու կանխատեսելի բիզնես միջավայրի անհրաժեշտությունը՝ վարչարարական և քաղաքական ռիսկերի բացակայությամբ։
Ըստ «Փաստ»-ի, Հայաստանը պետք է ճիշտ ներկայանա աշխարհին՝ համակարգային PR-ով, իսկ միայն ճանապարհաշինությունը բավարար չէ առանց հուշարձանների պահպանման ու ներկայացման։ Նշվում է, որ հայկական խոհանոցն ու տեղական արտադրանքը դեռ լիարժեք չեն օգտագործվում։
Հետևեք մեզ Viber-ում
