Երևանի քաղաքապետարանը ծածկադմփոց է անում գողության դեպքը․ Արթուր Չախոյան (video)
Առաջին անգամ եմ տեսնում նման «պահպանվող տարածք», բայց առաջին անգամ չէ, որ տեսնում եմ՝ ոնց են տարբեր կռուտիտներով փորձում ծածկադմփոց անել գողության դեպքը։
Ինչ հետաքրքիր է, որ այդ մասնավոր սեկտորում գտնվող «պահպանվող տարածքում» բացի որակյալ տոմետներից ուրիշ ոչինչ չէր պահպանվում։
Այսինքն՝ եթե դա իսկապես Երևանի քաղաքապետարանի «պահպանվող տարածքն» էր, որտեղ պահեստավորվում է քաղաքի գույքը, ապա այնտեղ, տոմետներից բացի, պետք է լիներ նաև այլ քաղաքային գույք։
Հետևաբար, «Գյուլնազ տատիի» կռուտիտները չանցավ։
Այդ «պահպանվող տարածքից» մի քանի տուն այն կողմ գտնվում է Քանաքեռ-Զեյթուն վարչական շրջանի «թաղապետ» Արտակ Հովակիմյանի տունը։ #Ինչ_զուգադիպություն
Ինչ հետաքրքիր պատկերա ստացվում, 2023 թվականին Ծիծեռնակաբերդի ճեմուղու տոմետները նույնպես «շինաղբի» անվան տակ տարել էին ու դատարկել էին մի տան տարածքում, որտեղից ընդամենը մի քանի տուն այն կողմ գտնվում էր Մալաթիա-Սեբաստիա վարչական շրջանի «թաղապետ» Սաշա Կատվալյանի տունը։
Զգո՞ւմ եք, չէ՞, թե ինչ «հոգատարությամբ» են «թաղապետները» վերաբերվում «շինաղբի» անվան տակ դուրս գրվող որակյալ տոմետների «պահպանության» հարցին, երբ փաստաթղթերով «շինաղբ» համարվող այդ տոմետները հաճախ հայտնվում են իրենց հարևանությամբ։
Հետևեք մեզ Viber-ում
