«Ժամանակին Արմեն Սարգսյանը անգլիական ձևով հեռացավ». Նարինե Դիլբարյան
«Հայելի» ակումբի այսօրվա ասուլիսում լեզվաբան Նարինե Դիլբարյանն անդրադարձավ Արմեն Սարգսյանի թեկնածությանը՝ նշելով, որ նա միանշանակ Լևոն Տեր-Պետրոսյանի թիմի ներկայացուցիչն է: Հետադարձ հայացք գցելով նախագահի թեկնածուի վարչապետության ժամանակահատվածին՝ բանախոսը ասաց. «Նա եկավ վարչապետ՝ փոխարինելու Հրանտ Բագրատյանին, որի հարաբերությունները լարված էին Լևոն Տեր-Պետրոսյանի, Վազգեն Սարգսյանի և մնացելոց հետ: Տեր-Պետրոսյանը Արմեն Սարգսյանին բերեց, որ լիցքաթափի լարվածությունը, սակայն նրա և Վազգեն Սարգսյանի միջև տեղի ունեցավ գաղափարական և մեթոդների բախում,որից հետո վարչապետը անգլիական ձևով հեռացավ»: Լեզվաբանը չի կիսում այն կարծիքը, ըստ որի նոր սահմանադրությամբ նախագահի պաշտոնը լիազորություններ չի ընձեռում. «Ըստ իս ՀՀ նախագահն ունի բավական լիազորություններ՝ նաև կառավարության հրաժարականը ընդունելու և ազդելու արտաքին քաղաքականության և մնացյալի վրա»: Արմեն Սարգսյանի դիվանագիտական մեծ քայլեր բանախոսը չարձանագրեց,բացի արքայազնին Հայաստան բերելը, իսկ թե ի՞նչ տվեց այդ այցը հայերին ու Հայաստանին՝ Նարինե Դիլբարյանի խոսքով, դժվար է ասել: Քրիստինե Աղաբեկյան
Հետևեք մեզ Viber-ում
