Հայաստանում Ռուսաստանի հետ հարաբերությունների զարգացման պահանջարկ կա. Զախարովա
Հայաստանի գտնվելը եվրասիական ինտեգրացիոն կառույցներում իրական օգուտներ է բերում, այլ ոչ թե դատարկ խոստումներ, ուստի հայ ժողովրդի շրջանում Ռուսաստանի և այդ կառույցների հետ հարաբերությունները զարգացնելու պահանջարկը ակնհայտ է: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, հաղորդում է ՌԻԱ Նովոստի-ն:
«Հայ հասարակության մեջ ակնհայտ է ռուս-հայկական երկկողմ հարաբերությունների հետևողական զարգացման, եվրասիական ինտեգրացիոն կառույցներում Հայաստանի հետագա գտնվելու լայն պահանջարկ, որոնք իրական, շոշափելի օգուտներ են բերում, այլ ոչ թե սեփական անձին դատարկ խոստումներով կերակրում»,- ասել է Զախարովան:
Դիվանագետը շեշտել է, որ հայ ժողովրդի կողմից երկկողմ կապերի աջակցությունը, ինչպես և ռուս ժողովրդինը, հիմնված է իրական ըմբռնման վրա, թե ինչ են տալիս այդ կապերը։
«Ինչ վերաբերում է Ռուսաստանին, ապա այս պահանջարկը ազնիվ է, այն հիմնված է ազնիվ ընկալման վրա, ոչ թե խոստումների, ոչ թե տեղեկատվական մանիպուլյացիաների։ Այս ընտրությունը, այս աջակցությունը մարդիկ ցուցադրում են փոխգործակցությունից ստացված իրական շոշափելի արդյունքների հիման վրա։ Նրանք տեսնում են, նրանք գնահատում են, նրանք աջակցում են»,- հավելել է Զախարովան։
Հետևեք մեզ Viber-ում
