Չեմ կարծում, թե հենց Թրամփի գրառումը լուրջ աջակցություն կլինի իշխանության վերընտրման համար. Սարգսյան

Միջազգայնագետ Սուրեն Սարգսյանը գրել է․

«Չեմ կարծում, թե հենց Թրամփի գրառումը լուրջ աջակցություն կլինի իշխանության վերընտրման համար։ Բոլորին է հայտնի ամերիկյան դիրքորոշումը այս իշխանությունների նկատմամբ, և դրա մասին ևս մեկ անգամ բարձրաձայնելը՝ նույնիսկ ամենաբարձր մակարդակում որևէ բան չի փոխում։ Այլ հարց է, որ դա կարող է որոշակի առումով հակառակ ազդեցություն ունենալ՝ ոչ թե Թեհրանի, Մոսկվայի և Պեկինի վերաբերմունքի տեսանկյունից, այլ նաև Թրամփի նկատմամբ բացասաբար տրամադրված շրջանակների մոտ։
Իհարկե, սոցիոլոգիական հարցումները առավել հստակ պատկեր կձևավորեն, սակայն չեմ կարծում, թե դա արդեն իսկ եղած արդյունքների վրա էական ազդեցություն ունեցող գործոն կդառնա։
Վերջիվերջո հայտնի են դեպքեր, երբ Թրամփը մեկ շաբաթ տարբերությամբ կարող է գովերգել, քննադատել, կամ սպառնալ այնպիսի առաջնորդների, ինչպիսիք են Սաուդյան Արաբիայի արքայազնը, Հյուսիսային Կորեայի առաջնորդը, Ռուսաստանի և Չինաստանի նախագահները (գովերգելուց մինչև կոշտ քննադատություն), Կանադայի վարչապետը և այլն։ Նույնը վերաբերում է իր թիմակիցներին՝ թեկուզ նույն Իլոն Մասկը, տասնյակ կոնգրեսականներ և սենատորներ, թիմի նախկին և ներկա անդամներ և այլն։
Այսինքն՝ Թրամփի պարագայում սիրելուց մինչև ատելություն և նորից սիրել կարող է ընդամենը մեկ օր տևել։
P.S. Սա իմ սիրած օրինակներից է: Սկզբում ընթրել է Թրյուդոի հետ, հետո անվանել նահանգապետ»: