Հիշել են վարչապետի անցյալից մի դրվագ

Ինչպես հայտնի է, վարչապետի պաշտոնում նշանակվելուն պես Կարեն Կարապետյանը անմիջապես մղվեց տարատեսակ հանձնաժողովների ու խմբերի ստեղծման գործին, որոնց առաքելությունը պետք է լիներ երկրում կոռուպցիայի եթե ոչ վերացումը, այլ նվազեցումը: Սակայն պաշտոնավարման ընթացքը ցույց տվեց, որ այդ ամենին պետք չէ շատ լուրջ վերաբերվել: Ի դեպ, ՀՀԿ տարեցները ի սկզբանե քամահրանքով են խոսել Կարապետյանի նման գործողությունների մասին, քանի որ իրենք գիտեն, որ ժամանակին իրավապահները Կարապետյանի նկատմամբ առանձնակի ուշադրություն են դրսեւորվել: Պարզվում է՝ 1995 -96 թթ., երբ Կարապետյանն աշխատել է Հայէներգոյում, Վանո Սիրադեղյանի ղեկավարած ահուսարսափ վեցերորդ վարչությունը ձերբակալել է Կարապետյանին ու 3-4 օր պահել ոստիկանությունում: Մեզ չհաջողվեց պարզել՝ Կարեն Կարապետյանն անձամբ է չարաշահում թույլ տվել, թե համակարգում ինչ որ բան այն չի եղել, բայց ասում են, որ ոստիկանությունը նրա հանդեպ  հետաքրքրություն է ցուցաբերել: hayeli.am-ը   լուրի իսկությունը ճշտելու նպատակով կապ հաստատեց վարչապետի  մամուլի խոսնակ Արամ Արարատյանի հետ,ով մեզ փոխանցեց ,որ նման բան չկա: