Ինչպես են «կեղծ ընդդիմադիրներն» աշխատում Նիկոլ Փաշինյանի վերարտադրության համար. «Փաստ»

«Փաստ»-ը գրում է, որ քաղաքական դաշտում գործում է «կեղծ ընդդիմության» շերտ, որի նպատակը հակաիշխանական ընտրազանգվածի չհամախմբելն է՝ իշխանության վերարտադրությունը ապահովելով։ Այդ շղթայում առանձնացվում է «Շնորհապետական» կուսակցության ղեկավար Գուրգեն Սիմոնյանը։

Ըստ հրապարակման, Սիմոնյանը երկար տարիներ հանդես է եկել հակառուսական դիրքերից՝ կոչերով դուրս գալ ՀԱՊԿ-ից, ԵԱՏՄ-ից, հեռացնել ռուսական զորքերը և փոխել արտաքին քաղաքականությունը։ «Փաստ»-ի գնահատմամբ նա մասնատում է ընդդիմադիր դաշտը՝ բողոքական ձայները տանելով փակուղի։

Նույն տրամաբանության մեջ են ներկայացվում նաև Արամ Սարգսյանը, Լևոն Շիրինյանը և Արման Բաբաջանյանը։ «Փաստ»-ը պնդում է, որ նրանց թեզերը հաճախ համընկնում են Փաշինյանի գծի հետ, իսկ Շիրինյանն ու Բաբաջանյանը հանդես են եկել բացահայտ արևմտամետ, հակառուսական շեշտադրումներով։