Դատապարտյալի տնային կալանքը կվերահսկեն. ինչ փոփոխություն է մտցվել
«Պրոբացիայի ծառայության առաջին տարվա գործունեության արդյունքները, խնդիրները և հեռանկարները» թեմայով քննարկման ժամանակ Արդարադատության նախարարի տեղակալ Սուրեն Քրմոյանը նշեց, որ ի տարբերություն նախորդ տարիների, ծառայությունում նոր կարգավորումներ են ամրագրվել: Հստակեցրել են այն աշխատանքների ցանկը, որոնք անձը պետք է կատարի, եթե դատապարտվել է հանրային աշխատանքների կամ եթե տուգանքը փոխարինվել է հանրային աշխատանքներով. «Դրանք մաքրման, համապատասխան սանիտարական աշխատանքներ են համայնքներում, արձանների, մշակութային օբյեկտների պահպանության աջակցություն, համայնքներում համապատասխան կանաչապատման աշխատանքներ»,- նշեց փոխնախարարը: Քրմոյանի խոսքով՝ նախորդ տարի իրականացրել են փորձնական էլեկտրոնային հսկողություն. «Մենք ունենք համապատասխան հանձնարարականներ և փորձում ենք էլեկտրոնային հսկողությունը փորձարկենք, որպեսզի հետագայում նոր Քրեական դատավարության օրենսգրքի ընդունումով ավելի քիչ կիրառենք կալանքը որպես խափանման միջոց: Պրոբացիայի ծառայողն անձի ոտքի վրա կամրացնի համապատասխան էլեկտրոնային սարքավորում և օրինակ կվերահսկի տնային կալանքի իրականացումը»:
Հետևեք մեզ Viber-ում
