Ո՞վ է ֆինանսավորում ռուսական The Insider պարբերականը, և ինչո՞ւ է այն համագործակցում Փաշինյանի իշխանության հետ

Այսօր Փաշինյանի ազդեցության տակ գտնվող լրատվամիջոցները լայնորեն տարածում են այս դեղին մամուլի հրապարակումները, որտեղ, իբր, տեղեկություններ կան Սամվել Կարապետյանի և Գագիկ Ծառուկյանի մասին:

Չի բացառվում, որ այս լրատվական կեղտաջրի միջոցով սկսեն «լուրեր» տարածել նաև հայաստանյան այլ ընդդիմադիր գործիչների մասին:

Իսկ որպեսզի հասկանանք, թե ով է կանգնած այս դեղին մամուլի նմուշի հետևում, ծանոթանանք նրա հիմնադրին. Ռոման Դոբրոխոտովին։

Դոբրոխոտովը ռուս ընդդիմադիր գործիչ է, ով վաղուց պայքարում է Ռուսաստանի ներկայիս իշխանությունների դեմ՝ դրա դիմաց ստանալով աջակցություն արևմտյան հատուկ ծառայությունների կողմից:

Դոբրոխոտովի The Insider պարբերականը Թրամփի նշած ֆեյքնյուզերից է, որը հրապարակում է Պուտինի իշխանության դեմ տարբեր նյութեր՝ հիմնված արևմտյան հատուկ ծառայությունների կողմից ստացված նյութերի վրա:

Ռոման Դոբրոխոտովը փախել է Ռուսաստանից, իր տանը առաջին խուզարկություններից անմիջապես հետո։

Իսկ փախուստի պատճառն եղել է այն, որ նա զրպարտել է հայտնի հոլանդացի լրագրող Մաքս վան դեր Վերֆըին, ով հետաքննել է 2014 թվականին Դոնբասի վրայով MH17 չվերթի ուղևորատար ինքնաթիռի կործանման հանգամանքները։

Հոլանդացի լրագրողի հետաքննությունը դուր չէր եկել արևմտյան հայտնի շրջանակներին և նրանք ռուս դեղին մանուլի զրպարտիչ՝ Դոբրոխոտովի միջոցով փորձել էին ցեխ շպրտել հայտնի հոլանդացի լրագրողի վրա:

Արևմտյան այդ հայտնի շրջանակները, չէին կարողացել գտնել Եվրոպայում որևէ լուրջ լրագրողի և պարբերականի, ովքեր կհամաձայնվեին զրպարտել Մաքս վան դեր Վերֆըին:

Այդ իսկ պատճառով, որոշել էին օգտագործել ռուսական տիրույթում գործող դեղին այս լրագրողին, որի համար էլ հոլանդացի լրագրողը իրեն վարկաբեկելու համար, դատի էր տվել Դոբրոխոտովին:

Վերջինս ստիպված փախուստի էր դիմել Ռուսաստանից, որպեսզի բանտում չհայտնվեր իր սուտ մատնության համար:

Եվ տրամաբանական է, որ ռուսական դեղին մամուլի ներկայացուցիչԴոբրոխոտովը, պիտի աջակցեր իր հայ գործընկերին՝ հայկական դեղին մամուլի ներկայացուցիչՆիկոլ Փաշինյանին, ով Հայաստանում արդեն 8 տարի է, նստած է երկրի վարչապետի աթոռին:

Արևմտյան հայտնի շրջանակներին իր աջակցության դիմաց, Դոբրոխոտովը կարողացավ 2013 թվականին հիմնադրել The Insider ռուսական առցանց պարբերականը, որն այսօր գործում է Ռիգա քաղաքում։

Այս պարբերականի միջոցով արևմտյան շրջանակները սուտ «արտահոսքեր» են տալիս այն գործիչների վրա, որոնք առավել վտանգ են ներկայացնում արևմտյան այդ շրջանակների համար:

Բացի այդ, այս պարբերականի միջոցով թիրախավորվում են այն ընկերությունները, որոնք, իբր, շրջանցում են Ռուսաստանի դեմ պատժամիջոցները:

Դրա արդյունքում այդ ընկերությունները հայտնվում են արևմտյան պատժամիջոցների տակ:

Գերմանական Der Spiegel ամսագրի տվյալներով՝ ռուսական այս դեղին մամուլը ֆինանսավորվում է արևմտյան մի շարք հիմնադրամների նվիրատվությունների միջոցով, որոնք հետևում կանգնած են արևմտյան մի շարք հատուկ ծառայություններ։

Արևմուտքում հաճախ են օգտագործում ռուսական նմանատիպ գործիչներին այն հարցերում, որտեղ հեղինակավոր արևմտյան պարբերականները հրաժարվում են օգտագործվել, քանի որ իրենց հեղինակությունը ավելի բարձր են համարում, քան՝ փողը և մանրադրամ աշխատելը:

Տրամաբանական է, որ Փաշինյանի իշխանությունը, փրփուրներից կախված, ստիպված է ապավինում նմանատիպ դեղին մամուլի միջոցներին, քանի որ այլ հնարավորություն այլևս չունի:

Սա է իրականությունը:

Դավիթ Մկրտչյան
Աղբյուրը՝ Zham.am