Իշխանությունը կասկածում է Վանաձորի քաղաքապետի պաշտոնակատար Ակային. «Հրապարակ»
«Հրապարակ» օրաթերթը գրում է. Ուրբաթ Վանաձորում խուզարկություն ու ձերբակալություններ են արել ոչ միայն «Ուժեղ Հայաստան»-ի գրասենյակներում եւ այդ ուժի հետ փոխկապակցված անձանց պատկանող տարածքներում, այլեւ քաղաքապետի պաշտոնակատար Արկադի Փելեշյանի մերձավորների շրջանում:
Վանաձորում խոսում են, որ ՔՊ-ի սրտի քաղաքապետ Ական «տակից» աշխատում է Սամվել Կարապետյանի համար, «ճշտի պանյատները» թույլ չեն տալիս, որ նա Նիկոլ Փաշինյանի համար «վիզ դնի», իշխանություններն էլ իմացել են ու որոշել նրա հետ կապ ունեցող անձանց միջոցով ստուգել ու պարզել դա: Թեեւ չի բացառվում, որ սա Նիկոլ Փաշինյանի հերթական կասկածամտության դրսեւորումն է, որը հիմքեր չունի: Թե ինչ են պարզել այդ գործողությունների արդյունքում, մեզ չհաջողվեց իմանալ: Չկարողացանք կապ հաստատել Ակայի հետ։ Սակայն մեզ ասացին, որ բոլոր ձերբակալվածներին արդեն ազատ են արձակել։
Չի բացառվում, որ ընդամենը վախեցնելու համար են այդ օպերացիան արել, որ Ակայի պես ոչ այնքան յուրային համայնքապետերը չփորձեն տակից խաղեր տալ ընդդիմադիրների հետ։
Հետևեք մեզ Viber-ում
